駕駛車款:            @150
製造年份:            2003
意外種類:            自己炒低
車主:              MOS
　

事發經過:
當晚如常經宋皇臺道右轉馬頭涌道返屋企, 個日好潮濕同埋落過一陣微雨, 就係燈位起步轉彎, 架車已經不受控制向右邊片左去, 個人就向左邊碌, 見倒架車同個地下擦出火花, 好彩老公係我後面又係彎位, 後面d車較慢至無俾其他車撞倒, 老公將我扶埋路邊, 一坐低就見倒一隊消防員行埋黎, 原來佢地ARM ARM 經過, 佢地好小心幫我除頭盔&初步急救, 直至救傷車黎到先走 !! 

人命財物傷亡損毀:
雙手手肘擦損左, 兩邊膝蓋瘀哂, 左手膊頭個較有少少移位, 架車左邊牛角斷左, 乘客腳踏拗左, 車身花左小小

當時感受:
當時根本唔知發生乜事, 見倒架車係地下跣先知自己撻車, 坐係路邊完全無為意自己整親邊度, 淨係識叫老公扶起我架車, 自己就緊張到縮埋一舊, 搞到消防員以為我傷我好重, 後尾發現係皮外傷, 個人先放鬆d,

事後影響:
好後悔因為自己唔小心而整花架車, 撻完車頭幾日連坐電單車轉彎都驚, 依家轉彎都無以前咁放, 唔敢壓得太低&太快, 落雨天就更加小心, 膊頭同右邊膝頭到依家仲有d痛, 醫生話要過一排先好得哂, 老公反而無哦我, 佢認為楂電單車總有撻車可能, 撻過就知驚, 第日楂日就會更小心. 經過今次發現香港既救護隊伍真係好專業, 當晚全隊消防員好頻撲照顧我, 救護員同交通警亦好細心同有耐性, 好多謝佢地 !!

肇事原因及教訓啟示:
最初認為因為跣呔所以撻車, 唔關自己事, 其後多次楂車經過事發點, 就發覺自己平日入彎太快, 乾地梗無問題, 但當晚潮濕又落過雨, 自己無衡量當時路面情況, 警覺性偏低咁就出事, 無得賴, 同埋發現Honda 車真係幾硬淨, 跣左成十個車位都係花左小小, fairing 完全無爆