駕駛車款:            st250
車輛製造年份:          2004
意外種類:            車輛碰撞
車主:              基

事發經過:
何文田佛光街右轉去民豐徑
停左係停線上等睇清楚轉入公主道
後車私家車發緊夢,慢慢向前隊
"拍"一聲隊中我,好彩雙腳落地同渣實手把
無跌車,熄匙落車同佢講數

人命財物傷亡損毀:
人無事
佢架車無事
我架車尾沙板斷左,車牌架爛左

當時感受:
好驚訝!
咁都會俾人撞!
咁大個停字牌,以為個個都會知要停車!
可能個私家車司機又發緊夢,無留意到我!
好彩無肉體損失

事後影響:
同佢講數,打返去原廠代理報價
對方原先吾想俾全數,又話無咁多現金
但無奈佢完全錯,我堅持要即時賠現金
無現金就叫朋友拎黎俾佢,總之一郁車就進入司法程序

最後對方賠償全數(根本有錢係身),另外我寫返d財物和解文件俾佢
其實幾開心,一來自己人身無事
二來可以換新零件!

肇事原因及教訓啟示:
其實我一路都有留意後車,但估吾到佢咁慢都會隊埋黎
仲隊爛埋我架車...吾賠錢都吾得
其實呢次真係吾知點避,前面停線大路有車行緊吾出得
後面又壓埋黎...安全情況下真係可能要棄車...
但好彩佢好慢隊埋黎

另外自己係呢單野做漏左少少野...希望大家留意下
1.影相(顧住講數同問價吾記得左)
2.無叫對方簽返d野俾我(得我簽左俾佢已和解)
3.無睇對方行車證同駕照(睇左可能有驚喜)