駕駛車款:            Hornet 250 
意外種類:            自己炒低
車主:              Henry

事發經過:
失業無野做, 揸車去海邊散下心. 之後好地地揸車返到屋企, 米去停車場泊車lor. 我個位右邊有幅場, 左邊有車過, so 我平日都係泊得好貼場. 今次返到去, 好正常咁泊好老婆仔, 熄匙起身落車. 我一起身就覺得唔對路啦, 老婆仔向左邊跌落去, 我出野揸奶力都頂唔住, 就咁派低。 諗左一諗, 原來我未落側架!! 真係唔知發乜車溫!! 我擔心整濕支火嘴, 所以即刻扶起老婆, 呢刻我至知, 原來我唔識扶車... try 左兩次都唔得, 好彩有個靚女過來help 我! 

人命財物傷亡損毀:
個人一０的事都無. 架車著到, 但係入波個腳踏淆晒. 我拉住極力子, 一入波就死火(都無放極力子就死),  唔知點算...  有無師兄知係乜事?? 整返要幾錢??  真係屋漏逢夜雨!!!

當時感受:
好擔心老婆仔!!!

事後影響:
最衰我太擔心老婆, thank 左個靚女一句就無理佢. 咁佢就走左啦....  真係好想好好多謝佢!

肇事原因及教訓啟示:
唔止飲左酒唔好揸車, 人愁都唔好揸車, 發起車溫真係乜都有可能發生!!  平時要睇多o的 iBike, 學好點樣扶車.