28 Nov 2007 Suzuki AN400 Skywave Type S K8 改車研究室

Production: 餓男/Dave

Suzuki AN400 Skywave Type S是日本綿羊中，論性能、價錢、外型拿到最佳平衡的選擇。通常年輕人手頭上錢不會太多，但低息分期供車的確幫到手。以持有現金兩萬元計，付6000元首期，再分三年供車，月供只是千餘元，便可以即時享有車價近六萬元的AN400 Type S。手頭上兩萬元現金扣除首期、保險和牌費之後，還剩下$10-11,000，為愛駒添置補品裝身呢！

一萬蚊可以做d咩呢？

綿羊性能一般，單缸羊雖說極速可超越150km/h，但弊在要等，等得來麵都煮好。而且後置引擎的綿羊在極速時操控感會大幅下降，玩綿羊就無謂強出頭，不如追求存在感算啦。咁應該點辦呢？換條識得叫既喉，係一個唔錯既開始。
　
　
咪睇少400單缸引擎，用上直出喉的話可以好嘈。我地係街上成日見到單缸爬山車換了直出喉，行過真係俾佢地轟到人都暈。綿羊都一樣可以咁嘈架，不過唔係所有場合都適合俾你咁嘈。

深夜偷跳出動，唔想嘈醒街坊的話，條喉都係靜d好。差人叔叔在你左右時，條喉都係靜d好。不過節日出到去襯，條街咁嘈冇理由俾自己架車靜英英架？有d行人亂過馬路，又唔理響號，只係對引擎怒吼聲有反應，咁條喉就應該嘈少少警惕一下呢d唔守規距亂過馬路既途人。
　

咁點算呢？以下介紹呢條喉，排氣管內有一個手動調較的威也活瓣，控制排氣聲浪。即刻變大聲又得，慢慢變細聲又得，得左！
　


售價都只係五千零蚊，唔算貴！試車真係感受到分別。當喉聲變細時，因為排氣回壓接近原廠設定，所以起步係好力d既！當把喉聲調大之後，因為排氣回壓減少，令引擎高轉呼吸更暢順，轉數變化更活躍，高轉出力更爽快！
　

搞掂條喉之後重有錢剩喎！追求外型美觀的你，呢款透明晶鑽LED尾燈組件就very good喇！睇圖唔使講野。
　


有閒錢的話，換埋菊花碟提升美感
　


雙騎嗎？如果唔係新相識的話，裝多個乘客靠背扶手俾老相好，等佢唔好黐咁埋....
　


有關Suzuki AN250/400
Skywave/Burgman的一切，
請看：