Vespa GTS & Primavera 150帆船版 新車抵港

以意大利優雅和精緻見稱的Vespa，係各大車友支持下，在香港的能見度越黎越高。今次廠方為大家推出以帆船為主題的特別版。

代理Motoplex Hong Kong更會引入GTS和Primavera兩種規格到港，並在2018年9月29號，星期六晚上7:00舉行帆船版發佈會。

GTS帆船版沿用GTS 300 Super獨特設計，經典大頭燈一貫Vespa鐵殼羊形象，配備 300cc水冷單缸四衝程引擎，符合嚴格既歐盟四型標準。

原裝車已經跟上ABS 防鎖死煞車連同Traction control，照顧騎士安全。今日所展示既帆船版，更加上休閒海洋氣息。

車身以帆船最常見既白色加上海軍藍車身拉花襯托，車頭蓋、踏板膠條、鋁合金輪框圴以磨沙海軍藍色處理。帆船版更會有專屬既白色綑邊座墊，前置儲物箱蓋上並裝有專屬的 Yacht Club 鐵章。

GTS 帆船版原裝會附上尾架，令以Grand Turismo Sport 命名既 Vespa 更適合休閒巡航!

Vespa Primavera 150帆船版就base on 最新2019年版本，標準配備全新頭尾 LED 燈組，Sharp醒得來夜間視野更清晰更耐用。

左右掣盒都改為電鍍仕樣，雖然得150cc但當泊埋 GTS 側面，可以睇得出明顯細一個碼。車重同車體更輕巧，街道實用性高，完全唔會比GTS輸蝕。