Aprilia 2020 RS660 - 中量級660cc直二跑車輕窄狠快!

 
RS660絕對係Aprilia車廠的收銀機。點解?因為用料靚、性能高,最重要係價錢會比V4車款便宜一大截,車重又輕一截,有更多人可以駕馭。


鋁合金車架、鋁合金尾擔,是正規跑車的標準。前傾式直二引擎佈局,具有低重心和低熱量的優點。廢排符合歐五標準。引擎曲軸的相位點火時間是現今主流直二引擎常見的270°,原因是為了穩定的扭力輸出,間接提升尾輪牽引力。


270°點火的Bonus是排氣聲音也和360°或180°相位點火的引擎不同,更為獨特。相比起V4引擎,RS660的直二引擎便像只有V4的前半截。由於沒有後面兩個汽缸,所以熱量明顯較低,重心也較前傾,車架也可以做得更緊湊,人車重心更歸一。



RS660乾重只有169kg,相當輕巧,但仍可搾出100hp馬力。考慮到輕巧車身和具備良好操控的先天條件,這100hp落在乾重只有169kg的RS660身上,絕對可以打敗其他排氣量更高,但汽缸數量更多,重量也更高的車款。


車仔雖然細細,但RS660一樣配備六軸IMU慣性感應儀,提供最全面的電子防護。Traction control、Cornering ABS、五種駕駛模式、雙向快速轉波、Wheelie control和引擎牽引力調較全部有齊!正喇卦?


唔好以為RS660一味識快,佢都識得嘆下世界o既。定速巡航都是跟車標配,中量級跑車都有定速巡航,真係估佢唔到。一條大直路唔想全程伏低,可以set左定速巡航,俾上身同埋隻手休息一下咁話。


前後制動卡鉗部由Brembo把關,雙頭碟直徑係320mm。避震相比頂級車款還有D距離,RS660前叉係Kayaba 41mm倒叉,尾避震直情冇牌子添。不過咁,用落覺得真係唔夠玩,先再換都係未遲喇。



家下跑車興玩擾流翼,RSV4有,RS660都有。車頭兩側啡呤向左右鼓起成為擾流翼,在高速時可以增加下壓力咁話。


見到五吋TFT彩屏,就知道RS660可以連接智能電話,享用Aprilia的多媒體平台。還有車頭LED位置燈,設計意念也是抄自RSV4。

新 車 資 料 陸 續 更 新 中