2022 HONDA NT1100
非洲直二化身巡航大使

 
單看外型，以為是把X-ADV 750提升至1100：)

在CRF1100L和Forza 750之間，提供一個更佳選擇

Honda車迷有福了！之前覺得Africa Twin 1084cc SOHC 8V直二引擎好正，但覺得CRF1100L太高太重，又唔需要越野的你，又或者覺得X-ADV 750或者Forza 750只有55ps馬力，唔夠喉的你，現在又多了一個選擇：

比非洲更友善，比Forza 750大力近一倍

同樣係直二1084cc機器，820mm座位比Africa Twin 850-870mm低了一截！102ps馬力又比NC750/X-ADV 750/Forza 750大一倍咁滯！扭力也高達10.6kg-m。雙騎冇問題，跑長途更加冇問題。20升油缸續航距長達400km！咩車？咪就係2022全新NT1100囉。

飽滿的低頻增加官能享受

NT1100的引擎調較更注重柔順線性，生死氣閥都經過重新調較，確保加速順滑，乘客冇投訴。而且全新設計的排氣系統，確保排氣聲浪中有飽滿的低頻，增加官能享受。




邊箱是標配，但尾箱要另外俾錢買

六速波箱一樣有分MT和DCT兩款

和CFR1100L一樣，NT1100的六速波箱一樣有分MT和DCT兩款。未玩過DCT波箱的人應該點都要試下，玩過DCT但覺得傳統MT擁有更多主動權的人，自然會回歸MT。

NT1100不是巡航跑車

咦，2022 Suzuki都有一款巡航跑車喎，ar...兩者有D分別。GSX-S1000 GT的引擎和車架都係由跑車演變而來，而NT1100定位是Tourer，舒適先行。

Tourer定位更舒適實用

新車的引擎和車架都係由歷奇重車Afrcia Twin  CRF1100L進化得來。所以NT1100的馬力會較低，但中低轉扭力輸出會較豐厚，而且更有泊車大架。



連邊箱的總闊度只是901mm，窄盡全世界擁有類似容量邊箱的車款

原廠標配多到喊，唔使再俾錢買

NT1100有一個超強賣點，就係好多野都係原廠標配，唔使再俾錢買。例如巡航跑車的造型靈魂：車尾的一對邊箱。好多車廠都係要你另外再俾錢買。但NT1100就包埋。左右邊箱的容量分別係33升和32升。

車身總闊度只是901mm，隨便攝車

咦，點解兩邊容量可以差唔多o既？因為Honda把NT1100的排氣管向低發展，為邊箱打造更多容間之餘，也可減低車身闊度。連邊箱的總闊度只是901mm，窄盡全世界擁有類似容量邊箱的車款。

一個車價，全部送晒俾你。

新車有定速巡航系統、五段可調高度及角度的風擋，高低相差幅度可達164毫米。發熱手柄、Urban/Rain/Tour三款駕駛模式、兩款用家自定模式、本田的Traction Control系統HSTC和防起頭Wheelie control，使唔使加錢買？唔使啦，一個車價，全部送晒俾你。

Touch 芒冇得輸呀

6.5吋TFT觸式彩屏，本田獨家

現在新車的錶板一定要TFT，重要大呎吋先夠威。NT1100和Africa Twin看齊，擁有6.5吋TFT彩屏。留意係Touch monitor觸式設計，操控百分百直覺，開心晒！

比Rebel 1100更注重操控性和實用

今次己經係Honda直二1100機器的第二次變種。第一次變種係美巡Rebel 1100，今次輪到NT1100登場，比Rebel 1100更注重操控性和實用性。NT1100更有USB和ACC兩款供電插座，全車LED燈組及DRL日行位置燈。

鋼管雙搖籃車架配鋁合金副車架

新車的車架是鋼管雙搖籃車架及鋁合金副車架，配合Showa 43mm倒叉前避震和單筒尾避震，避震行程都是150mm。尾避震預載是油壓設計，可以徒手調較。

外型大家有眼睇，有幾靚仔唔使多講。
除了風擋可作五級調較之外，風擋的左右兩側擾流翼都可作高低兩段調較

軸距比CFR1100L短了40mm

和Africa Twin相比，NT1100的操控在道路上會有更敏捷的表現。1535mm軸距比CFR1100L短了40mm，26.5°前傾角及108mm拖曳距，在高速彎道有很穩定的表現。

頭尾17吋輪圈比頭21尾18更靈活

前制動是四活塞徑向式卡鉗配310mm雙頭碟，尾制動是單活塞卡鉗配256mm制動碟。頭尾輪胎呎吋是高性能街車常見的120/70-17和180/55-17，比起頭21尾18的CFR1100L更靈活。

裝備重量比非洲輕了2公斤

NT1100的重量比CRF1100L輕了2公斤。NT1100 MT版的裝備重量是238kg，DCT版的裝備重量是248kg，同樣是多了10kg。


NT1100絕對係年度好車，新款實用好操控，值得入手

返回頁頂
Back to Page Top