老實講，老編個人唔係咁欣賞呢部Z650RS新車。因為佢將Z650的現代化配件拿走，換番懷舊樣式的配件，改一改駕駛姿勢就當係新車。

最重要係Z650的TFT彩屏冇左，換番傳統雙圓頭指針錶板(雖然內有LCD顯示屏)。運動化油缸換成圓潤懷舊淚滴缸，菊花雙碟變番雙圓碟，鑄造式鋁合金輪圈採用幼柱設計，盡量模仿鋼線鈴。兩段式座墊變番一件過懷舊街車。

其實Z650RS的車架、尾擔、頭尾避震和死氣喉都沿用Z650現有規格。這份由高拉力鋼所組成的編織式車架只有15kg重，尾擔只重4.8kg。頭尾燈組雖然轉為懷舊款式，但連同指揮燈全部都是LED規格，算係咁。