鐵騎網誌 www.ibike.com.hk

22 Mar 2002 CPI ARN 125 本地試騎

以Hussar小虎鯊125平霸之羊打響頭炮的台灣CPI車廠，已經獲得香港綿羊車友的承認。Ss再度添食，引進ARN 125小辣椒，今次造功更加精細，取料更優良，務求令香港更多人認識CPI價廉物美的好處。


Henry (System Administrator) 試騎感受	Eddy (Editor)試騎感受
大家好，首次在iBike和大家見面。我將會負責整頓鐵騎網誌堆積如山的資料庫，希望各位多多指教。講番呢部綿羊，比起我現有的星艦150，座位和避震都完全不同。ARN125傾向歐洲綿羊格局，座位和避震都較傳統綿羊高身和偏硬。但操控仍是十分簡單，想點就點。基本上冇乜難度可言。適合任何一位新手使用。	唔知道我係咪條褲太窄，試騎當日覺得ARN 125座墊舒適，但整體坐姿卻不是太舒適。不過有一點十分欣賞的便是腳踏位置相當自由，腳放後一點也十分鬆動，對於轉向已經相當靈活的小辣椒來說，無疑更添銳利。加速力尚可接受，整體馬力輸出平穩順滑，以此價錢算是物超所值。
	Dave(Senior Editor)試騎感受：「我.........」由於老Day掛住望女所以今次係罰佢唔俾講野並即時勒令佢落車冇得再騎

雙頭燈兇惡程度十足

三錶式排列夠清楚

座下深度十足

呢部ARN125小辣椒，比起Hussar 125貴在採用合金五柱軨和Two-tone座椅設計。整套車身啡呤的模具原來更是由日本製造，可謂不惜工本！

ARN 125帶點越野味道，無論是避震程，選配輪胎和向外伸延的尾沙板，都和一般傳統綿羊的感覺不同。

俾我地講埋呢兩句：
今次我地一齊把紅色和藍色兩款小辣椒拿出來拍攝，等大家可以清楚自己要D乜。 ARN 125的指揮燈又似Forza 250又似大鯊王，睇真D都幾靚仔。呀重有，原廠電鍍尾架只需三佰多元，係值得考慮的實用配件。

尾燈成架Maxster咁款！

電鍍後鏡也不似一般綿羊