25 July 02  Derbi Boulevard 150 (3) 本地試騎

 
  今次唔知點解,我地竟然出動到五條友仔製作這輯試騎報告。可能部車好玩啦,人人爭住騎,一把年紀的老編Dave手腳唔夠後生仔快,慘被唧出界外無份試騎,嗚~~~
以下是各「衰仔」的爭玩報告:
 

阿達試騎感受

易上手,整體操控比想像中扎實便是此車的最大好處。

頭燈炯炯有神,夜晚俾佢係後邊吊住好易俾人誤會,以為係咩猛車哄埋來添:)

掣動反應中上,雖然未開晒迫力,但手感佳,反應漸進,易用易掌握。原庄胎表現優良,爭在你敢唔敢落彎。

 
  「後為前用」的後腳踏,彷似專為騎士而設般就腳。

在一輪彎道後,我發現新車最大的驚喜是尾避震的回彈表現十分好,油壓閥門能充份管轄彈簧的回彈,在避震吸收了能量後能有秩序地慢慢釋放,提供優良的貼地性能。

嘩,我見到Eddy怒目而視,都係快手交車俾佢。

 
 

Eddy試騎感受:

輕巧靈敏 - 就係小弟的試騎感受。由於小弟平時不是用綿羊代步,所以對此綿的動力評語未能中肯。

「上斜迫力應,落斜係咁標」,會唔會係講完等於冇講呢?

在未儲夠錢買多一部車代步之前,我會將Boulevard 150放入考慮名單之中。聽講首批新車售價係HK$22,800.,重係零首期出車添!

 
 

張煒安試騎感受:

起步十分順滑,在40km/h以下的扭油,架車標下標下咁幾過癮。當速度超過50km/h時,衝刺感開始放緩,看來車廠著意強調市區行駛的低扭需要,中段和尾段輸出中規中距。

避震反應優良,沒有一般歐洲綿羊懸掛過硬的特性,舒適和性能並重。以質素計,尾避震的質素比前叉優勝。

 
 

引擎一撻即著,運作時震動和噪音輕微,Piaggio這副機器的確成熟。

掣動力度異常充足,只要養成頭尾迫力都使用的習慣,有能力應付突發事件。

未算高但也不是低的坐高和標準的把手高度,構成筆直的前置坐姿,相信各位新手很易適應。

 
  若以實用代步為大前提下,Boulevard 150絕對符合我們的要求。

雖然是採用強制風冷,但在拍攝當日三十多度的高溫下頻密作業也絕無腳軟的表現。

考慮到載物量和現代的外型,本人對此車的滿意程度頗高,對Derbi車廠的作品投以信心一票。

 
  規格表 車身細節