11 Sept 2003 Ducati Multistrada 1000DS 本地試騎


Production: Chris / Gary / Eddy / Dave
Bike: Ducati Hong Kong Ltd

為了印證Ducati的說話,我們真的把借來的Multistrada,試跑了不同的路段,看看這臺價值HK$129,800(售價以總代理公佈為準)的意大利高級電單車,是否真的物有所值。

Gary試騎感受:
有乜o野可以一次過滿足你三個願望?我唔係講緊「出奇蛋」果D「新奇!好玩!有趣!」,而係講緊Ducati最新力作Multistrada 1000DS的表現。老實講,我以前冇乜留意過Multistrada的新聞,所以對呢部車冇乜印象或者期望,或者係咁樣,所以當試騎完後,發覺呢部車俾到我好大驚喜!比起上次試騎過的寶馬Rockster高出一皮以上!在有比較之下,我發現Multistrada力大身輕,纖巧靈活,舒適自在,真係一試難忘!
Ducati超級跑車出名過彎靚,快車醒,低扭強。但係你要架996或者998來個U-Turn,相信人車都唔係咁好受。加上緊湊的駕駛空間,和捲曲低伏的姿勢,長時間駕駛都咪話唔苦。另一款馳名街車Monster S4,以性格造型享譽全球,但係操控和反應都保留了一定粗獷風格,是男人和力氣的象徵。日日都要表現出MAN的氣概,有時都幾累!

簡單D來講,Ducati Superbike或Monster,就好似係一位超級靚女咁樣持靚行兇,要間唔中忍受一下她的嬌蠻和脾氣。咁呢部1000DS呢?嘩,好似經過基因工程重組咁樣,將D劣質基因剔走,只保留優質基因培育再放大咁樣law。即係點?力度猛!操控高!易上手!(即係好似有條女索鼻又就手,咁你會點?上呀~~~))))))


由灣仔杜卡迪陳列室把車開出,經過一輪鬧市塞車開開停停的悶局後,發現它在應付繁忙路面的能力,的確如廠方所說的優異。低重心令車身表現輕巧,適中的油缸和啡吟呎吋,高而闊的把手,比街車略高的腳踏和850mm座高,在街上走感覺上就比街車更舒服更靈活。

途中經一個運動場,膽粗粗咁走入去兜左幾個圈。沿著足球場中央的圓線走,練習一下「慢車急轉彎」嘛!1000DS的靈活性和重心表現上佳,細膩的油門表現和操控感,絕對和當今最高級的日本電單車平起平坐,這對於一向以大開大合的意大利電單車來說,絕對一種突破!

好!繼續上路。把車開上高速公路,引擎動力在三千轉後開始「o黎料」,直指九千轉仍未有休止的跡象。六前速波箱反應暢順自然,車速可輕易超越200km/h。iBike的3000ccV6房車在我眼中如同玩具一樣軟弱無力,被我放縱肆意地揉躪!我忽前忽後忽左忽右的在侮辱著採訪車,哈他當然完全沒有任何還擊的氣力。

在B級路面上行車,富Progressive反應的避震設定,吸收了大部份震盪。當避震行程走到某一點時,避震反應會由柔軟趨向硬朗。這感覺是駕駛跑車或爬山車所不能比擬的。前者太硬崩崩缺乏彈性,高速中遇上爛路便跳舞。後者避震太柔弱,長衝程的擺動在高速駕駛中令人擔心。Multistrada的避震外柔內剛,所以在應對不同路面狀況的能力很高,能經常幫助駕駛者保持高速行車。
強而有手感的掣動力,是Multistrada的另一強項,一根手指輕扣掣動力馬上o黎料。跟車的Scorpion胎膠質表現稱職,燃油噴注反應優良,引擎呼吸暢順,樣樣當好稱心如意!
ar.....我係咪講好處講得太多有似有D假假地咁樣?咁我講番D1000DS尚待改善的地方俾你地聽下呀~~

1)極力子重 - 初時唔多覺,但係塞車塞得耐,你就會有好似玩緊指力鍛鍊器咁o既感覺。

2)熱 - 呢個係V偈通病,尤其係Multistrada採用風油冷設計,你會感覺到熱 力由後邊果個汽缸直冒上來,雖然唔未至於V4偈咁樣蒸你隻蛋,但係比起直四偈熱好多

3)座下冇儲物空間 - 鬼咩!死氣喉由漵釵虪X,重邊有位俾你放o野?

4)原庄死氣喉 - 原庄把聲好鬼無霸氣,Run完車後唔該速速換喉!

總結:
Multistrada 1000DS表現出多元化的特性,適合很多對電單車有不同要求的人士使用。無論是日常返工代步或假日舒展筋骨,每次出門都是「孤芳自賞」還是「相親相愛」,都會發現到Multistrada既順得人意但又表現勇猛矯捷的優點,絕對是「一車走天涯」。可惜價錢接近港幣十三萬,對車主的經濟能力有一定要求。

槓桿作用唔錯   比街車更舒服
油門表現線性不過敏   始終係V2偈....
完美   穩定性高
重心良好有信心   優異
一般,扶手幾就其   別樹一格
冇得頂!   漸進式表現好實用
V2巨獸,當然越強越妙!   始終係貴o野,表見好係應該o既!
   
    規格表 車身簡介