鐵騎網誌 www.ibike.com.hk

11 Nov 2004 Honda Forza 250 Type Z 本地試騎 / 車主報告

新款的Honda Forza 250分開自動波「X」版和加減波「Z」版。加減波Forza Z和自動波ForzaX基本結構全部一樣，只是多了一套加減波設備。Honda代理燦基電單車行有限公司的行貨訂價只是相差兩千元，大o拿o拿肯拿得五萬幾蚊出來買部綿羊，都唔會慳果兩千蚊唔落埋加減波呢套設備，費時將來賣車俾買家多個籍口壓價。

Forza Z抵港都有一段頗長的日子，係時候捉一位車主出來講下用家感受。今次提交車主報告的主角是只愛Honda電單車的Simon。西門收車短短三個星期便行左一千公里，算係勸力個隻。

趁車主Simon未講野之前，唔知咩係Forza X的車友，可重溫以往報導：

Simon有一位朋友，最近駕駛電單車趕赴上班途中不幸失事受傷過重而與世長辭。這件不幸事件令到Simon大受打擊，也對安全駕駛更為注重。

「遲到好過冇到」是金科玉律，也是人人都知的簡單道理，但偏偏我們都知易行難，唔知醒、趕返工、唔想遲到等等理由，令我們有時會以自我能力不能應付的危險車速駕駛。

Simon的朋友因為犯了「趕時間所以開快D」這致命錯誤而賠上了性命，老編深表惋惜。

三省吾身，回想老編日前也因為唔知醒而在一個重要約會中遲晒大到而不惜「亡命穿插」趕赴現場，想起也覺汗顏，愧對父母......

全新Forza X 試騎感受>>

睇完Forza X後，我地又再一次睇下Forza Z果套加減波係點樣操作：

其實自動波的加減波設計，只是用電腦預先設定了不同波段時普利盤的擴張位置，當駕駛人在手動模式中按下指令，普利盤便會改變直徑，模仿棍波車有不同波牙的效果。

Forza Z在自動模式中也分有慳油D Mode和S Mode。顧名思義S Mode的運動模式需要引擎轉數較高才會轉波，讓引擎有充份時間製造衝刺力，而D Mode的慳油模式，相信是大部份時間選擇的正常模式。

Simon之前的座駕是CBR250RR，因為女朋友投訴坐姿不夠舒服，所以Simon便轉投綿羊行列，認真抵錫。和CBR250RR相比，Simon說Forza Z在雙騎時的表現比起CBR250RR更穩定，駕駛Forza更輕鬆。在Highway時雙騎的Forza Z也比單騎時更穩定，是一部優異的交通工具。

Simon說Forza Z的加減波十分易用，即使在手動模式當中，轉波時車身表現也十分柔順，不像棍波車般會表現咁明顯。在加減波模式當中，每按一次「+」掣，車身都會輕微向前標。但按「-」掣時，只是轉數被提升，不會如棍波車般人會向前衝。感覺相當平滑細緻。

在自動模式中，選擇S Mode後引擎轉數明顯提高，動力有明顯增益。上斜時Simon便會選Sport Mode，行平路時便跳回D mode慳油。Simon最欣賞的是在行車中也可以隨意轉換傳動模式，十分方便。

在平常日子，Simon都只會選擇自動模式的D Mode，貪佢夠慳油和夠方便唔使煩。若果和車友出車或無聊時便會選擇M Mode駕駛。(其實在長落斜的路段時選擇M mode鎖定波段，會比自動波更準確地控制車速，也減輕制動系統的負擔)。

Simon錄得的油費是4毫子左右一公里。最慳油的當然是D Mode，而用得較多電油的模式是S Mode，手動M Mode戶耗油量則在兩者中間。

Simon表示一缸油約跑280km-310km之間，視乎選用什麼模式和去那裡而定。車價五萬八元的Forza Z，Simon選用三年分期慢慢供，現在月供約HK$1,800，連同油費和$400泊車月租位，一個月的養車開支在三千元至四千元之間，視乎出車有多頻密而定。

老編補充：
對於老編而言，加減波的用途在於應付長落斜時對車速的控制。自動波綿羊在落斜一段時即使收晒油都會越溜越快，如果要減速，除了掣動之外還要俾一俾油「上」番個波讓引擎拖番住個尾轆行，但銜接過程並不順滑，加減波便可免除這煩惱。

自動羊要在彎路中求有快速表現，以前D人會拖住尾迫力入彎同時keep住俾油讓引擎保持理想轉數，當出彎時放開尾迫力便可以彈出。但有左加減波之後，駕駛者便可以隨意把波段鎖在某一區域內，提升出彎時所需的動力。在密集的彎路中二、三、四波可以反復使用，會好玩好多。

全新Forza X 試騎感受>>