4 July 2003 Huasha Vini 150 本地試騎

 
  綿羊平過單車?咩綿羊先?咩單車先?而家買部見得下人o既越野單車,有頭尾避震有碟剎有碳纖車架果種,冇番萬零兩萬蚊都落唔樓。但係眼前呢部全新Huasha Vini 150四衝綿羊,車價連稅只係賣緊HK$15,000!望落去唔失禮o架!
 

Production: Betty / Eddy / Dave
Bike: S & S 電單車中心

  喂買單車唔駛俾35%首次登記稅,雞雞地都要成萬幾兩萬蚊,咁你話呢部VINI 150綿羊係咪好抵?未講完o架,原來萬五蚊車價重包埋首500及2000公里免費檢查及換油,重有半年 不限里數保養期添!據車行負責人表示,呢部車佢地自己私底下試左四個月,證實品質可靠,先敢開出呢個盤囗!
 
  熟悉綿羊行情的朋友,一定會覺得呢部Vini 150好面善。問心講呢部車真係好似台灣山葉Yamaha的Vino車系。大家都係採用四衝程強制風冷引擎。但若果唔計品牌價值的話Vini比Vino優勝的地方在於引擎排氣量更大(125 vs 150),Vini頭輪碟剎但Vino頭輪仍是鼓剎,以及雙方車價有一段頗明顯的距離。
 
  Vini 150有銀底藍和珍珠白兩色選擇,但我們預計車主都會噴花大搞新意思。睇下車身設備先。指揮燈有一按取消功能,原來還隱藏著死火燈功能:打左燈再打右燈(相反亦可)就會啟動死火燈功能,同樣係一按便可取消。
 
  車身配套絕對唔差。好似有透明燈殼唔使再俾錢換,中控匙擔控制座位開關,原廠跟埋迷你椅背,係頭燈,油缸入油位同埋尾燈都見到電鍍,講樣講賣相算係咁,萬零蚊算係交足貨仔俾你。 據車行表示,Vini 150主力係出口歐洲市場,所以廢氣標準符合歐盟二期的要求,真係厲害!
 
  車尾可以裝上行李架,唔駛拆椅背。車肚重有軟墊,減低泊車被刮花機會,正!
 
  好,Vini 150個樣就睇得下o勒。咁究竟打唔打得o架?即刻睇睇...
 

Betty 試騎感受