4 July 2003 Huasha Vini 150 本地試騎

　
　

Production: Betty / Eddy / Dave
Bike: S & S 電單車中心
　 大家好，我係Betty，以前幫過幾本雜誌試過電單車及私家車，今次係第二次幫鐵騎網誌試車。 講番呢部Vini 150真係唔簡單。點解咁講呢？因為馬力和操控都令人滿意。起步和加速的表現十分優異，這可能和我輕磅有關吧。但操控度之高，實在令人讚賞。上車冇耐，己經得心應手。靜靜話俾你知，試騎時其實我係有傷在身，但完全冇受到傷勢的影響，咁你話Vini 150易唔易用先？
　
　 Vini 150的座高比ET-8低，女士雙腳更易落地。前掣動的力度比鈴木UH150更強勁。卓越的動力，良好的操控，再加上低座和掣動力，我認為Vini 150的內在價值應該遠超於現時的售價！
　
　 經過個多小時的相處，我認為Vini 150的出現，絕對是車友的好消息。特別係新牌朋友仍未真正清楚自己的喜愛，如果一開始花太多錢去買車，到頭來發現買錯車的話，當P牌過後換車，會發現一買一賣的差價會蝕好多。

如果係咁，何不平平地買住一部綿羊玩住先，等技術成熟，認清自己需要後先換部貴D既車呢？而且呢部Vini 150講樣唔差，新車主再拉番個靚車花先出來襯，拍埋ET-8、Vino或Joker身邊，絕對唔失禮。唸得過。

不過說話講番轉頭，HUASHA VINI 150呢個朵，我地以前都未聽過。究竟部車用落的品質如何，我地唔知亦冇前人經驗可參考。雖然車行拍心口俾兩次免費服務同埋半年不限里數保養，但究竟可靠程度係點，要你用過先知。o拿細路，呢個世界一定存有風險，但係車價平左咁多俾你，足以補償一切。