20 Jun 2003 Vespa 古董 200CC 孖卡雪榚車 本地試騎

 

Production: / 金麥基/ Eddy
車輛提供:

79/79 Vespa 古董 200 CC 孖卡雪榚車
話說有日留意到有車友在鐵騎買賣搜尋中刊登了一段賣車訊息如下:
 
79/79 Vespa 古董 200 CC 孖卡雪榚車

好力易著車,極新之不「金秀」鋼大側箱及尾箱,載貨或做生意一流。車身新剩、新尾輪,包後備輪,圓錶圓燈,舊車主剛剛退休,車靚極爽, 全港只剩十架左右,非常罕有!!快者得。歡迎睇車。
 

三輪孖卡雪榚車,相信在座各位都幫襯過。印象如何?一個字:貴!果D雪榚叔叔賣汽水賣雪榚,唔知點解梗係貴過士多o既!但又梗係有人幫襯個播!佢地一定好好搵....難得今次有人放盤賣車,老編話做 iBike 咁辛苦又搵唔到食,不如齊齊轉行賣雪榚啦....

 

簡潔錶板

坐墊

特大雪糕箱、尾箱

睇番架雪榚車先。問心講,79年的VESPA,車身狀況都唔會新淨得去邊,尤其是車主係真係開工用,所以新車主一定要執執佢先可以出街見人。

各位觀眾,金麥基幫人拖車就成日見,渣雪榚車就真係令人大開眼界喇!原來駕駛三輪孖卡電單車,與普通電單車有別,究竟秘訣係邊呢?
 

金麥基駕駛指引:             

 
第一點係你唔好唸住落腳,駕駛三輪車雙腳係唔使掂地o既!

也不用擔心如何平衡。左手入一波,右手輕輕俾油,架車 己經順暢起步。

引擎的性能以1979年製做的標準來講,己經算係相當不錯。油門反應良好,動力輸出平均行車暢順。

 
 

第二點要留意係在直路時留意把手的操作。因為車身左邊多左一個轆,阻力大左令到架車會偏左行駛。所以要把軑盤向右轉向多一點點,才能行到直線。

第三點係轉彎,最好把上身搬動一下借借力,才能比較容易轉向。如不搬身改變苛重,在速度快一點的時侯,轉向會變得困難和容易發生意外。

  原來駕駛三輪雪糕車,並唔係想像中咁簡單。雪榚車司機也是一位專業車手,唔怪得之D雪榚賣咁貴啦~~