繼二衝Runner 180後，只有呢部車能帶俾我另一個驚喜。在高速公路上，由100km/h扭上120km/h時的感覺，就好似二衝溫拿表現咁爽快。我扭到過佰三便收油，感覺大把係手，起碼可以去多20-30km/h，但始終係新車，唔好咁快炳佢住。

以500級數的超級綿羊來說，彎性表現仍然良好。落山急彎一D都難唔到我同埋架X-9 500，只要走到條靚線，順住隻彎片住入咪話唔盞鬼！

動力好正，低扭力量一流。但始終是單缸關係，震動比較大了一點。其實X9-500已經裝有平衡軸來減低震盪。

不過強勁的加速感和誇張的掣動力，足以抵償一切。

坐姿舒適，腳部空間充裕。把腳放後一點，墊高了的乘客腳踏剛好被我利用了，很方便發力搬身，這樣可以進一步減少車身的傾側程度，以防大架過早Touch Down。

但係慢彎或掉頭時便不及其他綿羊般輕盈。雖然技街好的話仍可以一手掉頭，但難度會比其他綿羊為高。

避震設定偏向舒適為主，聯動迫力反應幾好，頭擔表現穩定，座位也不高，雙腳很易落地，女仔也可以舞得佢掂。女仔騎綿羊再也不是弱者了。

X9 500成功地在豪華綿羊市場中找到一個獨特的落腳點。論馬力性能絕對唔失禮，論豪華配套又勝過所有對手。

我們認為，平均的性能表現和如何提高駕駛享受，正是超級綿羊正確的發展方向。

作為都市人，X9 500能充份把我們的「起居飲食」和「生活習慣」結合起來，真係可以一車走天涯。