17 June 2004 SYM Mio 100 本地試騎

Production:  Rosa/ 亞威/ Eddy
 

早陣子鐵騎網誌去台灣採訪AMPA汽機車展時,在酒店休息時扭開電視,經常見到王力宏替三陽Mio 100賣廣告,心中暗忖這臺小車真可愛,但登陸香港的機會應該不大。

豈料上次拍攝SYM Megalo 125時,總代理奧士車行笑o騎o騎地推了Mio 100出來。嘩!好可愛呀!原來奧士車行引入Mio 50/100,主因是為了供應澳門的機車市場。但因為Mio外型實在令人心動,所以即使排氣量較小也決定在香港稍作停留,試一試香港車友的反應。

 
 

精裝版Mio50以Q版為主,可愛的頭燈,使用30W水滴造型晶鑽鹵素頭燈


Rosa 試騎感受:
Mio 100的確係Vino既宿敵!輕巧易操控,平地台方便放置物品。坐位不高,極適合女生使用起步初時以為正在試騎150cc, 力度很猛呢!嘿想追我去街要問過部車先得,追到先講啦!

轉向方面尤其靈活:由於車身細細部,攝車罅極為方便掣動 力度也很足夠,前碟尾鼓足以應付100cc的推動力。再加上曉變色o既錶板,我轉,我轉,我轉轉轉!極為有趣


想追我又追唔到,可到 rosamiu328@yahoo.com.hk 留言。不過記住要買左 SYM Mio100 先至好俾隻貓我!

同場加影: 2004 全新車SYM Mio100 VS 2004 全新車SYM 大鯊王150

為左證明Rosa冇講大話,部Mio 100起步真係幾快,鐵騎網誌特別安排 一個簡單而隆重o既起步大比拼。下圖見到,在起步初段Mio100 已明顯彈出,但在約60km/h時大鯊王150已追上及很快已越過 Mio100。為求真確我們經過多番測試,結果都係Mio100起步就快放彈出,大鯊王150要谷一谷先至可以追上。
Mio 100起步快放之謎: 由於Mio100車身輕巧,再加上廠方特別配備了機械 式燃油追加裝置(類似電子燃油噴注),所以在加速上更覺得心應手。可惜Mio 100始終受制於排氣量細小的關係,在中尾段被排氣量較大的大鯊王追上,雖然是理所當然的事,但證明了Mio 100也不是弱者!


車輛提供 :奧士車行