個人衛生護理產品- CoolMax頭套  知識技術

 
一般來說,頭盔只有數年壽命。即使外觀仍然靚仔,但吸震層和外殼都會老化,減低保護力。但如果你係日日都戴住同一個頭盔開車,炎炎夏日下閣下的頭盔護墊都不知道會吸受了閣下多少臭汗。莫講話用幾年,用一季都唔知頂唔頂到。

平價頭盔幾百蚊一個,你重可以話一年換幾個。貴價頭盔的護墊,雖然可以分解拆洗,但仍有問題存在:

1)你真係要拆出來洗,有人驚話洗完唔識得裝番上去.....
2)洗完等晾乾時冇頭盔用。
3)護墊會有少許變形,洗完後的頭盔虛位多o左,冇以前咁fit,不利高速行駛。

點算呢?解決辦法就係戴頭盔前,戴多一個專用頭套。只需定期清洗頭套,個頭盔就會乾淨好多啦!

 

有D似泳帽....

 

重係立體剪裁添!

 

放在燈下可以見到頭套透氣通風的構造...

唔好問我地係邊度買,各大電單車用品店都應該有售。有心試用不妨落多幾間車行蒲下搵下,價錢約港幣七十元左近,成日遊車河或長途駕駛的車友最適用。