15 Aug 2006 自助補胎不求人 - 知識技術

無內胎式輪胎，俗稱原子胎，當不幸被異物刺破時(只要創口不是太大，也不是刺在胎壁位置)，只要異物仍停留在輪胎上，漏氣的速度便不會太快，車主可以爭取時間慢駛回適當地點修理。如果車上備有一份補胎工具的話，遇事後把車駛入最近的油站自行補胎，便可繼續上路。

最近【鐵騎會館】其中一位女主任細細粒Beep，愛駒的尾胎便不幸被異物刺破需要補胎。細細粒Beep在補胎時也不忘拍下照片和大家分享，希望為新手提供一個補胎概念：
工具﹕
1. 補呔工具一set
2. 腳泵
3. 尖咀夾
4. 剪夾
5. 鑼絲批
6. 濕毛巾

比唔知係石仔 or 骨頭的兇手插到漏氣的地方，條呔無晒氣, 一磅氣都無...用一字頭鑼絲批un 番條兇手出黎.. 然後用尖咀夾夾佢出黎. 里個過程我自己覺得最難搞.. 搞到成身汗....兇手成功被我拎左出黎.. 條兇手同粒膠粒一樣長.. 仲要係尖頭tim. 唔穿就奇啦 ~.~"

準備補呔三補 - 1) 鑽針 2)補呔用的針 3)牛根

使用過程及方法
1) 鑽針使用時要順時針方向對住洞口鑽入去，作用係要整大個洞洞方便將牛根放入
2)
　		 將條黏立立的牛根穿落支補呔用的針的針孔裏 形成T字
3)
　		 將支穿有牛根的針對準洞洞順住 + 出盡力一野插入去(要好大力... 我試左幾次先得.. 可能我無力la..:( )
4) 牛根左右2邊各需要餘下約2cm 長的長度留在洞口出面
5) 將補呔用的針向後直線拉出，取出時你會聽到及感覺到 "拍" 一聲，因為條牛根中間位斷左，咁支針先可以拎番出黎
6) 之後用腳泵打番足夠的呔氣，然後開車行下條呔.
最後應用肥皂水搽在補呔位罝，咁係睇下條呔補得好唔好，仲有無呔氣漏出，如果有漏氣的話肥皂水會有泡泡出現，如果肥皂水無反應，即係代表補呔成功. (里個步驟我無做到. 因為唔記得左)

如果之後會渣部車出街的話，最好去一次油站check 下呔氣是否足夠。
　
在此多謝各位高手教導﹗

補胎後記心得！(必讀！)
1. 將牛根及針一同插內洞洞裏
2. 一直插到牛根只餘下約05.-1CM 的長度在呔外
3. 然後將支針係洞度上下左右咁郁動
4.  然後取出針, 這時牛根並不會一同移出來，因為牛根有黏性，它會緊貼著車呔
5. 取出針後，如發現"突"出來的牛根過長的話.. 即長過1CM 那便要把多餘的剪去，如不是的話過長的牛根有機會在行車時與地面黏貼的關係引致整條牛根退出來. (我首2條牛根就係咁LA.  第三條今日開張.. 出完車都無事