25 Feb 2006 考電單車強制試?使乜驚呀?- 知識技術



 

Production : Eddy/Dave  鳴謝: 觀塘駕駛學院:

鐵騎網誌收到一位轉校重讀的電單車學員報料,話隨著「荃灣駕駛學院」由荃灣遷往觀塘並易名為「觀塘駕駛學院」之後,原來考電單車強制試的場地也經過改良,更加易考咁話。

真有其事?為了讓有志投考電單車的新人搵到明燈方向,於是我們便冒昧拜訪觀塘駕駛學院,實地進行場地考察,並得到學院同意,借了學院車在場地內兜圈感受一下是否真有其事。經過一輪實地考察後,鐵騎網誌的結論是觀塘駕駛學院的強制試場地,擁有四大優點!真的能幫助各位考生更容易取得合格。
 

 


點解咁講呢?首先係傳統強制試的行車的路線,是一個蝴蝶形路線。在起點開始要選擇轉左或轉右,偶一不慎重複轉多一次便會肥佬。但現在「觀塘駕駛院」的強制試路線,則改為一個巨型「8」字路線。以單一方向行車,考生唔需要記住之前轉過咩彎,只需順住條路行便OK。

其次係雪榚筒之間的距離更闊,讓考生有更多空間行車和轉彎。第三點係啟動急停車的紅燈完全不經人手,由車速感應器操作,更加公平。最後一點是場地受上蓋保護,即使考試果日落雨,都不必排期重考。(講就好似好抽象,睇短片最實際!)

以上四大優點,令考生可以更容易更有把握地盡早通過強制考試,早日騎著電單車行街街! 

 








以下為四位學員上完第一堂的課後感想。講明先呀,老編唔識佢地,點稱呼都唔知,唔係做媒架!(不過睇番條片,四位學員的表現,睇落真係好似做媒咁....)