|
駕駛車款: et8
製造年份: 2001
意外種類: 自己炒低
車主: ｍ＆ｍ
事發經過:
舊機場對出往旺角方向彎位過快失控，人仰馬翻。
人命財物傷亡損毀:
好采好采，下午點幾本身前後都好多車，就係炒果下無晒車，如果唔係個人同架車都玩完。
當時感受:
肉體：兩邊膝頭擦損，下巴、手臂、腰有多處擦損。又係好采有帶手套同口罩，如果唔係對手無埋，同埋有毀容機會。
心靈：第一時間心痛架車花晒，重痛過肉體，好采有護架，可以用貼紙遮，不過個心都係好痛。
事後影響:
而家下巴有傷痕，近期都唔敢返屋企驚阿媽鬧。不過好采出事後有男朋友悉心照顧，扺返晒。事發後無報警，不過好驚入彎，唔敢再開得快。
肇事原因及教訓啟示:
新車買番返來唔夠一個星期，未摸熟就開咁快實在太危險，成日都覺得自己好勁真係唔要得，如果下次無咁好采呢？．．．．．後果不堪設想。小心駕駛，唔好貪一時之快真係好重要！ 鐵騎快語：
你就好啦，有人錫番。ET-8細轆加番妿胎，慢慢來啊.... |
