那輛七人車與@150碰撞後﹐車主立刻走去把車扶住才不致跌車﹐並非投訴人所說沒人喊停。
起碼我是其中一個喊停的﹐那時他撞@150後立即抽頭想離開﹐眾人見狀立刻說"抄底車牌啦﹐喂停車呀"這些話﹐誰說沒人叫停?
再者﹐那司機發生意外﹐還遷怒他人沒叫停?情況就如我撞倒別人﹐我竟怪責他人沒叫我停?這是甚麼理論?
賠償價是相方同意的解決方案﹐那司機若有不妥﹐為何不報警處理?
同時﹐考到個車牌﹐合法係道路上操控汽車﹐你與其他人都一樣﹐怎可因為自己唔靚女或新牌就覺得是肉隨砧板上?再者﹐電單車車友滿天下的@150車主﹐當然吸引到身邊朋友前來慰問﹐難道這樣就叫比人圍?
最後想講的﹐當你駕車發現路邊有人步出﹐你會撞向他嗎﹖這是一個受過專業駕駛訓練且通過考試的合格駕駛者應知道如何處理的。
~Edward~
e49@mail.hongkong.com
06 Apr 03 |
|
|
|
我好想為該件事講幾句公道說話。本人絕對係兩棲類駕駛者，更係全職司機及兼職老綿速遞員，但因當晚只係坐人車，亦不認識意外雙方，實在係路見不平。事發時我於該班戰車群中研究一番，點知.........
就我所見，當時的確係有人叫停，問題係？點解受害車主之前唔肯推車讓路呢！明知自己阻路，都應該義務幫對方睇位啦！"闊佬賴理"點解要炒Ｘ埋先有人嗌停，你估條路你地架！好啦跟住個肥妹仔知//禍後並打手勢停埋一邊，並非Edward哥所講想逃走。奇怪的係落車的全部都係小妹妹，大約有四至五個，我估大概至大都係肥妹仔，幾經講數後，有人伸出五隻手指，示意要賠五舊，小妹妹們幾經籌旗(即集資)只籌得四百，@亦O.K照殺，小妹妹們無奈上車離去，事後@還不悄地說''又賺左"之類的說話，但過程中亦無人填寫和解協議書。(唔知小妹妹有冇錢番過海呢！)
好啦！計我睇問題係
1.我知撞爛野係要賠，如果落車既係紋身大漢，結果會否相反呢！
2.我所見的確找不到@有明顯新傷痕，隨非你從來都唔泊公眾carpark(骨排位)啦。
3.如果佢當時報警，你地走得切嗎？你唔好累左D齊料車好喎！若果肥妹仔發窮惡，點知佢會唔會係石澳道倒偈油架，笨╳七！
4.若果佢地無錢你地會唔會強╳人呀！
5.咁好屈，你不如替兩個轆們屈下D的士佬呀！
6.大方D啦！肥仔車主，有時唔係次次都講錢既，不如集合咁多人，替肥妹仔上番堂私人駕駛改進課程，唔係更好嗎？
7.Edward哥，唔好再嘩眾取寵，盲目崇拜啦！香港人善良D吧！
肥妹仔，
騎電單車唔係個個都係衰人黎架！不吐不快，吐完順晒！多謝閣下接收我既意見，有機會再訴過。
|
|
|
我係事發後至過黎睇熱鬧既 , 其他唔知。
我見死氣喉真係凹左，肥仔車主問其他人整返要幾錢?
有人話五舊，肥妹致電朋友問那價錢合唔合理，我聽到佢自已講 : 問過朋友都算合理。
說''又賺左"之類的說話係在場其他人講既，肥仔車主本身冇出過聲。
亞武
momo36@hotmail.com
07 Apr 03
|
|
|
肥妹仔炒車報告回應
就有關貴版一份炒車報告，我有小小意見同大家分享︰
1. 當日我亦在場，事實並不如edward所說的一樣。
2. 肥仔車主本身架車的死氣喉在未碰撞前都已經凹左，仲扮到受害者，係一種唔老實的表現。
3. 如果本身架車能夠拍好d，唔阻路，咁根本唔會出現這種情況。
4.
好多時候，呢類咁的情況，如果沒有真的損傷，都是雙方讓步，無需金錢處理下和解。(在路面上，好多時候的交通意外，就是欠了這份互讓的風度)
5. 就算本身肥仔車主，要控告事主不小心駕駛，按環境証供，未必會告得入。況且按情況真係各有不對，互相退讓又有何不可。
6. 當其時事實真係好多人圍住肥妹，俾我係肥妹，我都會好驚。
7.
作為電單車的駕駛者，在公眾型象其實已經很負面，如果本身一早很自律，根本唔會有以下事件發生。點解肥妹要登上來，好明顯係佢覺得俾人「屈」錢。問心果句，車主是否老實去做，真係心知。
ka tung yan" <motoryan2000@yahoo.com.hk
07 Apr 2003 |
|
|
我是一個目擊者,我想講下事發經過:
1.路邊停了多輛電單車 (但足夠車輛經過)
2.架Wagon準備由車位扭右駛出
3.Wagon扭右時 , 車主只看其右面
4.(重點) 出到一半 , 她就已用車門撞到右邊私私家車
5.她因為撞到物件 , 就更加沒看到其他野 , 直指@150
6.我的一位朋友(不是車主) , 即時接著架@150
7.但........她更不知撞到@150 , 保持去向 (@150已撞到起了尾轆)
8.我的朋友即時用盡力拉橫架車 , 及大叫"停車"多聲
9.當時車上的人才知道.......她撞到第二架車
10.她依然沒有即時停車 , 一直行駛 (此舉令人火光)
11.她直至轉了右.....行了約4個車位行停下車輛
他有些說話我有d唔意見 :
('我於是小心駛過')......小心又會係咁撞 , 你打緊遊戲機呀
(但我的左頭角卻不幸碰到一部綿羊仔).....人地停定係度 , 如果0個架唔係車而係個老人家 , 妳咪要轆死佢
(我落車後更被幾十人包圍)......八卦就個個都會 , 有冇人用動作或說話嚇到妳先
(發現不到有值╳400大元的花痕╳).....妳唔同意 , 大可以報警 , 香港有皇法架
(而佢部車亦沒有跌底).....妳意思覺得撞唔跌就冇事喇
(因自己係肥妹一名.......etc)......妳知唔知自己up乜野呀
(我撞的事候並沒有人叫停)......妳撞到野要人叫先識停呀?????
(事後影響: ) 1.妳出車唔夠位 , 可以叫人讓開 , 唔讓路可以報警
2.$400是一個好大的數目嗎?? ,
$400可以叫幾拾人圍妳???(1人1支媽媽奶呀)
(係佢地既生財地方嗎？)......呢講說話 , 我諗可以搵警察拉妳
(我當時點解唔報警'最多一拍兩散算了！).......其實妳有冇牌架~~~~~???
NK CLUB 新手小平
ichitaka@net-yan.com
08 April 03 |
|
|
|
睇完其他人既意見我有小小野想補充同講下：
1.當時肥仔車主問班女仔邊個係司機？冇人肯認，肥妹只係答:
你唔洗問哩d野嫁哪，你講幾多得嫁哪。好明顯有人闖禍後想主動以金錢和解了事。
2
.肥仔車主同肥妹指出死氣喉被撞既凹處時，肥妹都同意係佢地做成既。肥妹冇撞過大可以唔認，同報警處理。佢要報警，邊個可以阻止佢?但係佢冇報警，佢打電話問朋友個價錢合唔合理，問完仲同肥仔車主講
: 我問過朋友，都係哩個價錢。
3.肥仔車主如果要報警追究，生車撞死車
...人証物証對肥妹妳一定不利。事實上妳真係撞到人 地架車！如果告得入，妳有可能被控不小心駕駛:要罰 一千蚊，扣 5
分。用四佰蚊賠償 / 同 一千蚊罰款，再 扣 5 分比；妳只係賠四佰蚊點計都有著數喇！仲想點?
因為有 D"齊料車"係度就唔報得警?D車改到九彩就係佢自已既問題，玩得非法野就預左俾人捉！關人地乜事?
就算條死氣喉真係碰撞前都已經凹左，并唔代表可以無條件俾人再撞過！架綿羊尾擔俾人打橫"隊"左一野，對架車既結構有冇損害都未知。有人可以擔保無事嗎?肥仔車主收左人地賠償金就唔可以再追究，如果有事，區區果四佰蚊可以做
d乜?要人賠四佰蚊真係咁唔合理嗎?
肥妹仔妳講到人地專登泊架車係度陰妳然後屈妳錢，不如妳又搵架價值二萬幾蚊既車等我"隊"佢一野，我俾返五伯蚊妳，等妳試下哩盤"生意"
化唔化算?
其實妳應該練好自已既緊駕駛技術，更加要改改妳不負責任既駕駛態度！撞到人仲話人屈你，惡人先告狀。冇用架！
我好唔明妳點解同人三口六面傾好晒，但係一返到黎就數臭人，真冇品！
更加唔明其他人覺得肥妹仔俾人屈錢，點解唔當場企出黎主持公道?個個係度事後孔明。唔好唔記得你同我都係現場，即係有份圍肥妹仔喇！既然你地咁有同情心，咁正義同大方。下次我女朋友楂我架五頓半唔小心"隊"左你架愛駒一野，記得唔好搵人圍(觀)佢喎！你地都唔講錢既當然就唔洗賠喇，仲記得同我女朋友上番堂私人駕駛改進課程添喎！最多我請返你飲茶又點話丫！
亞武momo momo36@hotmail.com
08 Apr 2003 |
鐵騎快語：
多謝幾位現場車友提供了不同的補充及意見。相信大家就事件己有一個比較立體的了解。
其實發生任何交通意外，都一定不會是愉快經驗。無論是私下解決還是報警求助，為免令事件惡化，雙方的交涉過程都應要盡量克制以免令事件性質演變。
祝各位路路暢通！出入平安！ |
