炒車報告

 

駕駛車款:            CBR400
製造年份:            1996
意外種類:           
車主:              毛毛

事發經過:

一個星期六早上, 楂車返筲箕灣公司時發覺架車頭胎拮左粒釘, 我就起左粒釘睇下有冇漏氣, 點之有喎, 後尾插返粒釘入去頂住先, 當時冇再漏氣, 因為要趕住返工, 諗住收工先攪, 到左收工, 睇返條胎好似冇乜漏氣, 心諗應該楂倒去北角車房既, 一路楂, 一路覺得好似轉唔倒彎甘, 好啦keep住行30km 應該冇事啦, 仲有兩三個街口就到啦, 果時要轉一個右彎入小路, 當行過電車軌時, 發覺頭胎食左入去條電車軌度行唔返出黎既, 架車甘就向右炒低左, 個人就同架車一齊訓低埋, 起身後梗係快d拾返起架車啦, 我女仔又唔夠力喎, 後尾我向一個等緊電車既男人要求幫我拾返架車, 好彩佢幫我手咋, 如果唔係都唔知點算好呀, 真係好多謝佢呀, 之後睇返架車, 直呔時, 個車胎向左右邊既, 頭胎冇哂氣, 楂唔倒呀, 後尾打去車房搵人幫我楂返架車走

人命財物傷亡損毀:
好彩著左長"就"衫同手套, 上身冇事, 右腳波羅蓋小小擦傷
架車就, 右邊後鏡, 右腳踏爛, 右邊牛角彎左, 右邊fairing同埋豬頭花左, engine 蓋花左, 堂呔彎左

當時感受:
驚就一d都唔驚, 仲罵自己衰心急, 明知楂車有事仲楂甘快, 仲諗住快d攪好返屋企做節, 差d節都冇得做

事後影響:
而家一過電車軌就好小心
隻腳痛左一日就冇事囉
屋企人都知, 冇罵我, 仲叫我下次小心d, 因為我屋企人除左我, 其中仲有3個家庭成員都係楂電單車, 仲笑我炒車都冇事返倒黎食飯甘叻既

肇事原因及教訓啟示:
架車發覺一有問題就最好唔好楂, 咩天氣都好, 都要著長"就"衫楂車


鐵騎快語:
你都幾好笑個播?起左眼釘睇下有冇漏氣?跟手又塞番眼釘入去頂住先?下次再有咁情況,如果釘頭唔係凸好多出來,就唔好幫佢"起釘"。如果就近有油站就先去打多d胎氣,再慢慢咱h車房度補胎。唔一定去電單車行,私家車車房都會有得補胎。
 

 

你有炒車經驗嗎? 
把它整理一下告訴大家
讓騎士有所警惕,一起提高駕駛安全吧!