炒車報告

  駕駛車款:            學院車
製造年份:            不適用
意外種類:           
車主:              細p

事發經過:

雖然冇碰撞,不過我都好想同大家"腎"下。第二堂路試,有個女導師帶我同另外兩個出街行考試路線(沙田交通城線),去到個燈位前(嚇到事後唔記得係邊)又有van仔學神,我地四個跟車尾,之後聽到後面有架拖住廿呎櫃o既貨櫃車好快咁係後面駛過黎,咁預到好"蚊"先勁dup,已經比佢嚇左一嚇,不過當佢冇心喇~之後轉綠燈前面架車學van死火,咁都係人之常情,個貨櫃佬就即刻噤實個horn好似大聲d有金執咁,我地就梗係嚇一跳喇,之後學van著車之後過燈都轉左紅燈喇,後面就傳黎好多空油聲,都忍~之後過左燈行到個T字路口,架貨櫃佬比油向我地四個夾埋黎,不過路口有車我地齊齊停低,我地四個都望住佢,不過佢都當我地冇到,都忍~!跟住到左下個路口,佢由跟住我地尾-->比大油抽頭-->緊貼左線學van-->再向我地夾-->好快駛左出路口(前後三秒),四架電單車同埋學van全部停低,個miss回左成分鐘氣先開車返學院..

人命財物傷亡損毀:
五個人受驚...

當時感受:
當時驚一驚,事後諗番好危險...個miss番學院都口震震咁話"出街留意下,好似呢d巨無霸當自己大晒...唉..."

事後影響:
唔明d人點解忍唔到慢, 我不嬲都覺搵食車有佢地o既苦處,有時坐車見到d越軌少少o既動作都算,不過今次真係好過份,唔通佢自己冇學過車咩,試下換對方位置諗下喇..同埋d搵食車大佬你地覺得自己d技術好唔代表唔會出事,今次就話差唔夠一兩cm先"high"到,下之唔知會發生咩事哇

肇事原因及教訓啟示:
一定~!一定~!一定~!
小心~!小心~!小心~!

鐵騎快語:
遇到呢類咁冇品o既人渣司機,唔到你話小唔小心咁簡單。呢種人可能受生計所迫,加上長期屈係車廂內導至心理變態,精神狀態可能處於極度危險的水平。再遇到呢種情形,盡量保持鎮定,否則會更影響操控。番學校問番導師,叫佢地俾安全指引,同埋應唔應該記下車牌投訴佢駕駛不當。

 

 

你有炒車經驗嗎? 
把它整理一下告訴大家
讓騎士有所警惕,一起提高駕駛安全吧!