炒車報告

  駕駛車款:            CB400SF VS
製造年份:            1998
意外種類:            自己炒低
車主:              可憐人

事發經過:

五月十五日下午放工, 諗住係流浮山駕車去女友家食飯. 那段路是村路(都舖哂水泥, 不過d邊位好多沙)我行了三, 四天, 諗住用那段路來練車, 咁未越行越快, 去到個手臂灣(半徑大約3米, 足一個半圓), 行到一半先意識到, 當其時行四十到啦, feel到唔夠灣會撞, 諗住瞓低d過,但係又望到成路沙, 立時驚左, 收油又唔夠快. 然後就撞落支電燈柱到, 車瞓人飛.

人命財物傷亡損毀:
P仔一個, 黑馬一隻,人就無特別, 右小腿及右前臂腫, 全部無斷骨, 同埋有小量擦傷
車就AR........, 右呔抝左, 右邊牛角斷左,右邊黃燈斷左,轉數表個殼爛左,右邊油缸少凹及少花, 右邊引擎護架扁哂,右邊唔知什麼蓋(最近個護架個塊圓型蓋,如可以請告知)花左, 左邊尾箱架爆左,尾箱扣爛埋, 水箱抝左(好彩無流水)同埋嚇親班細路.

當時感受:
無乜野感受, 當時淨係知道幣喇, 希望架車唔會有事,都無乜點諗自己會點.
肉體上都唔係好係識痛, 我去FEEL下自己郁唔郁到,好彩郁到, 再摸下自己有無斷骨, 諸如此類.....

事後影響:
當時係單線雙程行車, 抄左無耐, 兩邊都有車唻, 個小巴司機叫我快D推走, 但係架車太重, 我個陣未休息完, 我叫佢幫幫手, 佢彩我都有味, 結果我自己慢慢推埋一邊.我去A & E 照X光無事, 但係現在周身骨痛, 隻右小腿,右前臂又成日陰陰痛.唔知幾時先完全康復.今日五月十六日, 我都有駕車週圍去, 我仲去左山頂, 今日見到D急手臂彎都唔係咁敢壓低架車,慢慢過

肇事原因及教訓啟示:
我之前都有試過入灣前用一個我未試過既速度, 不過都係只要壓低D架車就平安過左, 點知一有沙, 我就唔敢瞓.以後係D 村路或多沙水油既地方都唔會開得快, 有車跟就跟, 無就自己開慢D
 
 

你有炒車經驗嗎? 
把它整理一下告訴大家
讓騎士有所警惕,一起提高駕駛安全吧!