|
炒車報告 |
|
|
駕駛車款: Honda NSR150SP 製造年份: 2001 意外種類: 自己炒低 車主: Felix 事發經過: 係澳洲...大約係1:00am...岩岩開始落雨...過一個大迴旋處時派車...車速大概60-70km/h....我諗係由於我係出灣時比大油...(二波7000rpm左右)...後轆突然跣呔...就係咁炒左啦....當時我人就係地下打轉...而車亦都一齊轉...好彩後面架車停得切...佢仲落車幫我扶起架電單車...又問我駛唔駛call差佬...同埋叫我上佢架車坐陣先走...因為當時好涷...而我又全身濕晒(因為我係地下轆左好多個轉)...我話唔駛啦...因為我覺得勁"於"...佢叫我一定要去醫院check check...之後就走左啦...我淋住雨...望住架車...好心痛...企左十分鍾(食左支煙)...跟住試下踩著架車...點知又著到喎...咪即刻返屋企囉... 人命財物傷亡損毀: 人就擦損手肘...波羅蓋...右邊身撞到好痛 車就fairing花左d....右腳brake無左...指揮燈爆左...mirror花左...無咩大傷...最慘係我頭盔花左呀...$3000幾呀大佬... 當時感受: 好好彩人就無咩事...但係都幾驚... 我覺我個私家車司機好好...我好感動...由於係第一次炒...唔知點做...有人幫下手都定d呀...但係事後反而覺得炒電單車都唔係好恐怖啫... 事後影響: 事後我好快就無事啦...亦無咩陰影... 不過我以前落雨就唔會出車... 但係而家反而落雨時都唔會避免出車... 因為想自己學識落雨時駕駛既技巧... 不過而家落雨出車就會更加小心囉... 肇事原因及教訓啟示: 兩衝車會有突如其來既power輸出(大約翰7-8000rpm)...過灣或落雨時要更加小心控制油門... |
|
|
你有炒車經驗嗎？ |
