炒車報告

 
駕駛車款:            CB400 VS
製造年份:            1998
意外種類:            自己炒低
車主:                   毛
 
事發經過:
6月26日晚1030,騎著公司的CB400,正準備趕往廣華醫院採訪,駛經登打士街剛過女人街,突然有一個長毛肥佬由右至左走出馬路中心.大家互相發現時已經相距不遠,死肥佬仲要大跳cha cha,都唔知避左好定避右好,惟有死dup啦.響晒胎之下就向右邊派左喇.

人命財物傷亡損毀:
哈哈...個死肥佬都唔知係咪識輕工0既,我仲0係地下扮緊葫蘆已經周圍望搵佢,但係已經搵唔到.唉,三個月唔夠炒左兩次車,兩次都係Super 4,上次炒右邊今次炒左邊.唔知點解兩次都爆錶版,今次仲勁,一執起架車發覺成地偈油,個護架又扁到不似"架" 形,機器殼花晒,波棍向後屈左90度,後尾先發覺原來個尾箱去左對面線.好彩係阿公車,拖車呀乜Q都唔駛理,仲有同事即刻出現幫手做AI.

當時感受:
左手Z,左膝頭爆晒,右手掌輕微磨損,最衰個仆街肥佬,雖然我係快左D,但係唔該睇清楚先過馬路啦,害死人架.仲諗住果日咁多野做可以幫輕下同事,點知反而要同事幫返我.

事後影響:
唉,返左工先得果廿日到就炒車,仲要炒得咁無9謂,驚公司對我印象會唔多好囉.雖則返工唔係好耐,但係以前0係台灣攝車0既武功而家都有返7,8成啦,點知就比個盲毛攪掂.驚就唔係好驚呀,最驚就係攪到D同事,又累到人地遲收工,又要做多D野.同埋要多謝有幫過我0既好人啦,幫我手執車0既先生啦,個頭盔有輔警貼紙個阿生啦,比廁紙我0既賣小食阿姐啦,問我駛唔駛報警0既兩位美少女啦(早知扮暈問電話!:P)同埋有幫我手搵個死肥佬0既好人,原來香港仲有好多好人架,香港一定得!!!

肇事原因及教訓啟示:
下次一野直撞呢D盲毛!!!!!!!!!!!!!!!!!!!!!!!!!!!!!!!!!!!!!!!!!!!!!
同埋叫公司比我試下用私家車開工~~~~~~

鐵騎快語:
真係勢估唔到傍晚先同你講完電話,你夜少少就出事。唉,最後搵唔搵到同你跳cha cha果個死肥佬?捉佢老母上山打鑊甘呀要~~~
 

 

你有炒車經驗嗎? 
把它整理一下告訴大家
讓騎士有所警惕,一起提高駕駛安全吧!