駕駛車款:            YAMAHA YBR125學院車
製造年份:            不適用
意外種類:            車輛碰撞
車主:              Ken
　

事發經過:
6月18號夜晚10點45分左右,我同另一個friend一齊o係學車,我見我個friend行左上前,我就慢慢追返佢,攝左一架車七人車,架七人車之前已經係超速,仲轉線無打燈咁去到我前面,我為左搵返個friend,就攝向前,

　

去到亞皆老街左轉入嘉齡道時,我後面架七人車好似睇我唔到咁,佢架車o係我左後面,o係我左邊車尾俾架7人又開又dub迫,之後我俾佢嚇一嚇,o個時我左轉緊,佢之後仲係咁bi我,仲係咁俾油想撞死我咁,咁我就停埋一邊打左燈,o個條係單一線行車路,條pk就o係我右手面停車兇神惡煞咁同我講我車尾high到佢車頭右手面o既泵把,仲係咁叫我賠錢,唔係就報警,

　

我o個時好驚,淨係識得同佢講數,五百我就一定唔肯賠,佢咁樣花左少少我最多三百,咁我打返學院啦,講返件事,之後我同我friend仲有條pk一齊返左去學院度,賠錢俾佢同埋簽協議書,協議書係條pk寫...我簽左名之後,教車阿sir黎到我講返件事佢知,佢再睇睇張協議書,發覺條pk寫錯左制名,明明係亞皆老街左轉嘉齡道,o個條死pk就寫左做勝利道...我事後先知...o個時我已經簽左名...唉...好down,事後再報警...差人都話唔會受理...

人命財物傷亡損毀:

我個人就完全無傷
佢架七人車右邊泵把花左少少,我部ybr125奇就奇在一d都無花到
點解佢可以話我車尾撞花佢車頭?!!!!!
好激氣!!!

當時感受:

身體無受傷
心靈上淨係識得驚...唔知點好...好彩我有朋友o係度...如果唔係我仲驚
條友一落車就係咁兇我叫我賠...
我拎住o既得學神牌...仲係第一次發生呢種事...真係完全唔知點好,除左驚我真係諗唔到有第二d形容到我當時o既感受

事後影響:

我家人完全唔知我學緊電單車...所以我無打算同佢地講
之後我同朋友講...佢地好似完全唔想理我咁...
差人仲叫我明白咩野叫做道理先好報案...唉...
經一事,長一智,我以後都唔會再俾人屈
6月16號學完車上過黎呢度問過老編點打8字...今次我真係想問下老編,我地電單車點樣先唔會俾人屈

肇事原因及教訓啟示:

我而家淨係知道...自己點小心都好...都係會俾人撞,發生咩野事都好,一驚就會俾人屈,道路上只有一成左右o既人會守交通規則,當中包括任何學神...有牌o既人係唔會理我地呢d用電單車o既人o既生死
車越大,人就越惡...電單車點都係唔著數...
仲有...我以後盡量都唔會再攝車,除非條路可以俾我行o既空間唔只俾到一架電單車攝...而係三架電單車啦

到而家都仲係好激氣...點解明明我俾人撞車尾都要俾人屈我賠!!!