炒車報告

 
駕駛車款:            Shadow 400
製造年份:            1998
意外種類:            車輛碰撞
車主:              阿賢(JACKY)

事發經過:

我而家講既係三年前發生既事﹐撞車當日天朗氣清﹐我0係fanling揸架shadow 400 源吐露港返沙田﹐因為前面有車﹐我當日太開心﹐連橋位既雙白線都唔理﹐照CUT可也﹐當時我以時速大約110km/h去到上橋位﹐在上到橋面平位近右轉位時﹐突然聽到剎車聲﹐但p知道剎車聲從何傳來﹐我便立即留意0係我前面架白色輕型貨車的尾燈﹐睇下佢有冇亮燈﹐細看下發覺前面架白色輕型貨車的尾燈架冇亮到﹐我便沒有將車收慢﹐但很得快便發覺前面的白色輕型貨車慢得好快﹐近乎立停左一樣﹐我想了一想便覺得很有問題﹐我便立既盡收慢架車﹐車輪立即發出响呔聲﹐當時我離前面架車都有廿米之多﹐當時我盡量防止車輪鎖死﹐所以沒有握緊剎車手制及腳制﹐但冇耐架車未能停下﹐直衝向前﹐在仲有距離約七米就撞之時﹐我在想﹐直撞好﹖定0係橫訓好﹖“直撞可能好應””橫訓又怕飛落橋又或者比車轆過“最後我決定左直撞向前面架車既車尾﹐我把心一橫﹐緊握把手向前推﹐雙腳踏實架車﹐後輪既時西左一西﹐就撞之前的一剎那﹐我心想﹐我玩完啦及腦海衝衝回想了之前往事﹐“砰”的一聲﹐我成個人向前衝﹐我雙手推緊把手﹐我個八月十五向上升起左﹐離開左張櫈﹐好在我當時仲緊握把手﹐個人零空左一陣我就坐返係張櫈度﹐坐落去果下架車仲係未跌﹐但係好快架車就向右邊橫訓﹐我便從右邊跌左落地﹐成個人跌左係橋邊位﹐跌低時頭盔只係輕輕撞左地下一下﹐當時我覺得我個人冇咩損傷﹐不過當時我冇起身﹐唔知點解我當時覺得我應該扮下重傷咁﹐我便係地下“轆左兩轆”﹐仲好似好傷咁﹐我見到前面架輕型貨車司機落左車﹐佢企左係佢司機位度向後望左我一陣﹐我見倒佢好似打電話咁﹐跟住我起左身﹐扮傷左咁行去佢果度﹐我問左佢一句“你做咩突然停左0係度﹐佢答”佢前面架密斗貨車收慢﹐佢撞倒前面架密斗貨車停左0係度“跟住我返去推番起架電單車﹐睇下我架電單車點﹐又睇下佢架車點﹐我架電單車頭轆沙板架變哂型﹐前沙板爆哂﹐前叉就”粒“左DD﹐頭燈爆哂﹐p過架輕型貨車就好傷﹐佢車頭撞落架密斗車尾﹐車頭爛得好勁﹐車頭水箱D水漏哂出黎﹐車尾就比我撞到有入左半個頭轆既深度﹐跟住警察黎左﹐問有冇人受傷﹐之後冇人話有傷﹐跟住架輕型貨車司機想搵我賠﹐佢打電話問人後佢仲想話我推佢架車先撞前面架密斗﹐我即時向佢講左句﹐”我架電單車點推你呀﹖“不過佢聽左後佢冇回答我﹐阿SIR又問密斗既司機駛唔駛搵人賠錢﹐司機話架車冇事唔駛賠﹐而架輕型貨車既司機好想我賠錢﹐但係我話要賠既話一定要搵保險﹐不過可能因為佢撞前面架密斗﹐要報保險就一定要搵警察落案﹐佢又怕比警察告佢﹐所以最後冇要我賠錢﹐阿SIR知道冇人要追究後﹐阿SIR要我地就跟住佢一齊揸架車落去橋下面﹐前面既左邊平路邊停低﹐最後我自己揸番架電單車返屋企﹐我發覺架車個軚拎埋左一邊﹐同架車既轆唔對位﹐可能係撞果時推到移左位。

人命財物傷亡損毀:
人冇事
維修費近成萬蚊

當時感受:
無耐﹐不過又覺得好好彩(唔止唔駛賠錢比人﹐自己又冇傷)

事後影響:
完全冇影響繼續揸電單車(繼續享受揸電單車既樂趣﹐仲覺得揸電單車唔係人地講得禁危險

肇事原因及教訓啟示:
如果冇得避既話﹐最好緊握把手直撞﹐廢事個人飛左出去
 
 

你有炒車經驗嗎? 
把它整理一下告訴大家
讓騎士有所警惕,一起提高駕駛安全吧!