炒車報告

 
駕駛車款:            AN150
製造年份:            2000
意外種類:            自己炒低
車主:              ink

事發經過:

星期六晚上8點係觀塘繞道近KOWLOON BAY行中線,時速唔係好記得,我估有成90km/hr,行行下前面有突然有一塊"突"起左小小既石屎.架車即刻"fly"起.好自然收油同落break,最後擺左幾下就成個人訓底,車就去左3線.(果時其實我條尾呔係光光地要出去換,唔知關唔關條呔事?)

人命財物傷亡損毀:
四肢都磨損,又無手套...,車同頭盔都花哂,

當時感受:
當時唔識痛,只見手指微損,仲起身開車去目的地,點知去到有光既地方先知成手臂都係血, 即刻去睇醫生,(因為唔記得自己行邊條路返目的地,到依家都仲未記得起)

事後影響:
起初唔想再開車,因為已經唔係第一次受傷,而兩次都好好彩,無大礙,但因為真係太方便所以都係隍.
其實我之前都有向政府部門反映過路面不平對電單車駕駛者有很大影響.
之後問返d朋友佢地話如果我當時唔落break,由得佢擺幾下,個人定d,可能會無事.唔知係唔係呢?

肇事原因及教訓啟示:
要有手套同著長褲,外套,大頭佛都好重要

鐵騎快語:
你的情況應該係放鬆身體,更加不應該落迫力(Brake),因為會破壞電單車自身平衡。
雙手只施予最低力度扶住把手,因為太緊張太實反而會阻礙頭輪自動調整平衡的動作。

另外炒車後情緒未平伏,受傷情況也未充份掌握,在安全的情況下應先休息一會,評估一下自己的傷勢,真係冇事先好再開車。你出後連行邊條路都唔記得,可見情緒極為不穩定,注意力下降,果時開車咪重危險?

重有你條胎咁高速撞埋石仔度,條胎的杋布層應該撞壞左,要拆條胎檢查一下。
 

 

你有炒車經驗嗎? 
把它整理一下告訴大家
讓騎士有所警惕,一起提高駕駛安全吧!