炒車報告

 
駕駛車款:            鈴木 GN250
製造年份:            請選擇一項
意外種類:            自己炒低
車主:              GN250

事發經過:

上星期十二月十八日星期日係深水步電腦展, 我想去高登睇野, 但又怕迫人, 所以選擇了五點幾近六點鐘出車去.

去到深水步, 天色巳黑,好多近高登的骨位巳滿, 於是在欽洲街->元洲街->九江街->福榮街 行了一圈, 九江街的骨位巳滿, 有些還泊了上褔榮街的行人路上, 我正在一路行一路諗應該如何做, 何不行多一圈? 於是再出欽洲街->元洲街->九江街, 當在九江街轉出福榮街之際, 突然成個人同車失控, 整個人衝前, 在爬起身的一殺那, 我立刻想道, 我車速巳很慢, 不像有車隊我, 我又食正路中間, 為何失控?

第一時間扶起部車, 看看後面, 原來九江街和福榮街交界路道有野整, 大型的產泥機就在路邊, 地下有鐵板. 最差係佢塊板係放在灣位, 而又只放左面吾放右面, 我就剛剛行正板和地之間. 結果失控.

人命財物傷亡損毀:

扶起部車, 溜了很多油, 獲獲都係咁, 次次都係剛入完油先抄車, 左面指揮燈穀爆開, 好彩燈沒有壞. 看過其他東西, 好像沒有事, 於是較番好鏡位, 休一休息開車, 上到車, 先發覺右手指公好痛, 痛到打吾到燈, 但當時那有心情停留? 急於想回屋企, 心諗, (我就算打吾到燈, 我行慢些, 無車先轉線, 可能沒有問題吧, 我見有些司家車和的士都係咁, 一次咁多), 行左一陣間, 先發覺吾可行, 真係驚險百出, 於是在鴨療街尾骨位停下來, 諗住無咁痛先再出車.點知一起大架, 大架的借力鐵支仔應聲而斷. 嘩, 大架都斷, 吾係掛.心諗大架應該好貴, 呢獲杰. 於是只用側, 卒下卒下手, 希望快些無咁痛. 其間見到一老電師兄取車, 講了一陣, 跟住又見一貨車司機等入錶, 又講左一陣, 原來佢在大陸都有渣老電. 跟住發覺原來無支棍仔都可以起到大架. 佢叫我拿回支棍仔, 可以燒焊燒番實.

跟住無咁痛, 試左一下, 可以在好痛的情況打到燈. 咁就開始了餘下的驚險旅程.出番去, 在臨上天橋往九龍城方向打燈時, 發覺真係好痛, 又打吾到燈, 於是慢車, 試下四隻手指握住手柄, 而吾係又握手柄又握離合器, 咁樣指公就發到力, 打到燈.但係我要決定番屋企, 吾想又停下來. 於只成個旅程便一係只可轉波, 一係只可打燈, 吾可以同時進行. 發覺都幾麻煩, 而且要事前想定.究竟下一步會轉波多定會打燈機會多? 由界限街往竹園一路吾敢開太快, 最多三波, 因為怕轉吾到波. 到竹園近屋企開始手腕都痛, 拉離合器都有問題. 好在剛剛到屋企.路途中架車好似吾係咁直, 希望個呔或玲無事啦, 上次個合金玲換在千幾蚊. 我真係吾想再花哩d整車錢啦.  番到停車場側架和大架都起左, 因為怕大架吾知會吾會過一陣斷.  今日早d訓教, 哩一兩日應渣吾到車, 不過都好, 反正銅鑼灣開左間全港最大的書店, 我巳好想去, 渣車去反而無位泊吾方便. 哈哈, 只好自己對自己咁講.

當時感受:
覺得真係抄得吾值.

事後影響:
起初頭三日左手漲到似豬提, 結果查正骨水兼晒西醫食消炎藥. 一星期後即尋日先免強渣得番車, 但都係好痛.
沒有甚麼感受, 因之前都抄過幾獲.

肇事原因及教訓啟示:
以後真係要小心些
 

 

你有炒車經驗嗎? 
把它整理一下告訴大家
讓騎士有所警惕,一起提高駕駛安全吧!