駕駛車款: HONDA 三輪車
製造年份: 2000
意外種類: 自己炒低
車主: 澳門人

事發經過:
澳門CASE
2002年12月27日,本人駕著公司部三輪電單車如常咁送貨,由水坑尾街向若翰四世大馬路方向行走,途經十字口時片低,

人命財物傷亡損毀:
公司條工作褲穿哂,上到救護車仲被個醫護人員剪爛哂,
部車無乜事唔駛整,因為俾我隻腳頂住,但我d皮肉花哂,

當時感受:
見到爛地果一刻唸,呢次死啦,實抄硬,果然,即時訓街.
當時感覺好魚,因為正值繁忙時間,好多人經過睇到.
欲起身把車扶起走人,發覺自己根本起唔到身,因為俾架車壓住隻腳,
有路過司機經過,停車問我有無事想扶我起身,
我叫佢先扶起架車我至起到身, 左右兩手腕,下巴,右膝擦傷.

事後影響:
事後每次經過路口都留意下有無修路工程既告示牌,以前唸住三輪車三個輪好安全,無唸過會抄,過灣好有信心,而加就.....無哂信心,右膝留下左明顯疤痕(可以係話歷史見證)

肇事原因:
事後發現十字路口水泥被完全挖起,地面極度凹凸不平,原來修路工程正在進行,但前一段路並沒有清淅的告示牌通知前面修路,再加上當時正值綠燈,所以如常地充滿信心咁加速通過稍為右轉既十字路口,無唸過呢個時候見到地面爛哂,部車跳落去塊爛地馬上失控片低.

教訓啟示:
渣得慢d囉,馬路上太多估唔計到既事,唔好信心過高.