炒車報告

 
駕駛車款:            Steed 400
製造年份:            1993
意外種類:            自己炒低
車主:              柏基仕

事發經過:

香港往九龍海隧口,天晴乾地,繁忙時間,衰攝車。其實果段路於繁忙時間可以隅黕X快,攝攝下見有泥頭車,攝唔過,唯有落少少頭brake,係少少再收慢d個種,唔落由自可,一落就大檸樂。原來掛住攝,冇睇到地下原來有條打帶機用的那種膠帶,一落brake,架車直情"膳"理去架泥頭車個"look"到,而另一邊係架BENZ,根本有得避............

好彩,一來都幾慢(但架車重又加上個去勢),2來自知救唔到架車,唯有減低損失,儘量貼近泥頭車,然後"膳"到近半尺左右,用最大的力氣控制架車將之慢慢放在地上,剛好二車之間,人就順勢打了個滾地葫蘆。我想架BENZ應該有避一避我,才能避過此劫。

人命財物傷亡損毀:
文中提及所有車輛均無損。人就死O左好多細胞,最重要係免費學了一課什麼叫做滾地葫蘆。抄車,眾人皆失唯我獨得.........哈...哈...哈...東方不敗......

當時感受:
係咁情形,何感之有,自知冇事,又唔使賠,又加上眾目睽睽...所以話呢...東方不敗就係東方不敗,不知那來神力,一手將車抽起,跳上,兩腳相互齊撐,一邊M一邊點火(因火咀濕了),不消兩三下,消失於車群中........

事後影響:
曾經有陰影,弟二日冇攝了。但我地係靈長類動物,陰影係可以克服的。單拖時都會小心d, 有多兩三架,就會技癢。

肇事原因及教訓啟示:
經驗係要累積的.....謝謝觀賞。

鐵騎快語:
可能當時電光火石,你施展唔到人手ABS?老編試過兩三次鎖頭轆,試過成份頭轆被一個壓扁了的膠水樽托起跣住去,又試過雨天在斑馬線厚厚的油漆上急剎,好彩危急之際施展到人手ABS先能化險為夷....

 

 

你有炒車經驗嗎? 
把它整理一下告訴大家
讓騎士有所警惕,一起提高駕駛安全吧!