駕駛車款:            Honda PGM 2 (當年好Hit 架)
製造年份:            1989
意外種類:           
車主:              Wing
　

事發經過:
小弟想回應一下面的 catrace, 因我也有同樣經歴, 事發於 1994 年冬天, 我車住女友(現在係老婆) 由鴨脷洲出黄竹坑, 行到鴨脷洲橋最後一個左灣以時速約80多km 大飛跪入灣, 當年我經常在上址如此, 誰不知在灣深突然見到有灘我估係垃圾車水, 心存僥倖地準備救車............. 救 mud 鬼丫, 即派無交嗌

人命財物傷亡損毀:
我只係磨欄左件皮樓,皮手套,牛仔褲及對 Nike, 身體無損傷, 但老婆就全身3成磨薑, 好彩無骨折, 車......就梗係 Total Loss 啦。老婆個頭盔都列列地(恐怖)

當時感受:
跌完一剎那, 當所有野停下來的時候, 第一時間驗下自己有無受傷, 跟住先醒起我車尾有條女個wor....佢不醒人事..不醒人事...嚇得我方寸大亂, 真心講, 我而家32歲人都無試過那次個種恐懼及無助, 亦因為當年流動電話並非現在普及, 好彩迎面有個鬼婆停低架車走出黎指揮交通, 她同車的另一香港男人就幫我 Call 999,十字車好快到, 在十字車上她開始有支覺, 她第一句說話 : "你有無事呀?" Wa!!  我 d 眼淚"嘭嘭"聲湧出黎, 個種去到極點的內疚真係好難頂..跟住又要面對她的家人....我衰! 我錯! 已為自己手車好快, 已為自己係"杜漢" (當年)

事後影響:
老婆訓左個幾月醫院,塊面無事, 但身體其他部份凸出疤痕現尚在。及有嚴重風濕症。

肇事原因:  一個字""快""   成日已為自己手車好快, 好有術。
　

教訓啟示:  好彩我倆帶"大頭佛"(當年駕 PGM 如帶開面會比人笑), 如果當時她帶開面頭盔後果更不堪切相。上文已提肇事後她的頭盔有爆烈跡像。

最後, 想借呢個機會要多謝幾個人。
1. 鬼婆+香港男人, 無你地幫我都唔知要等幾耐至有電話call 999, (謝謝)
2.  十字車上及所有醫護人員 (謝謝)
3. 老婆一家人, 竟然一句責怪說話...甚致少少面色都無比我  (真的對不起)
4. 梗係老婆大人啦 (盡在不言中)