炒車報告
　 駕駛車款:            PX200
製造年份:            1997
意外種類:            自己炒低
車主:              P記RAN字

事發經過:
時間:  6月24日下午5:30左右,
地點:  於元朗公路轉入天水圍(不是洪水橋那段)50km/hr彎路

出事經過:遇上了馬路無形殺手(油漬,仲要係比太陽曬到溶曬,我真係睇唔到),小弟於入彎前已低於50km/hr,太約30-40咪行車,但遇上了他後,已經來不及救車,由左方躍起棄車,架車都就打左幾個圈,我就係個地下到轉左幾個圈.鞋都飛開左,

不過轉完係地下到訓一陣,都免強可以起返身,有個好心既VAN仔司機幫我搵返隻鞋.仲問我有無事,但係我轉到暈暈地唔識應佢,部車就我朋友幫我放係一邊.等到我回魂就同我一起推到平地到.部車仲可以用一波行到天水圍.

人命財物傷亡損毀:
手身腳：有太約十多處傷痕,主要是磨擦已成.但隻右腳要照X光.
身上裝備：一對F牌手套已磨穿了幾個洞，長褲都有幾個洞.A牌大頭佛花左.
車頭身尾：花晒！前左右指示燈已K.O.前左右膠板K.O.

當時感受:
如果當時我唔係50咪以下,後面D車一定煞唔到撞上O黎.其他都唸唔到.

事後影響:
部車放左係天水圍,自己好返先去理佢.同公司請假,話自己炒車,激到老板娘叫其他人唔好坐我車,唔想其他人返唔到工,仲叫其他人如果見到我係休息期重開車就撞死我,等我長休.我唸佢真係好嬲.要買過D裝備,可能貴過架車,不過值得.澡涼......TOO HARD,熱水一到,周身都痛.

心路歷程:
如果唔係大頭佛,個腦一定要照.
如果唔係厚手套,對手一定打唔到字.
如果唔棄車,我一定係醫院,唔係屋企.
如果唔做保護動作,X光照晒全身.

肇事原因及教訓啟示:
裝備要緊,貴價有佢價值.平價有佢超值.出左事,人要救,車唔好救.風水油砂,避不見面,小心小心.

鐵騎快語：
正所謂小病是福。小炒得教訓，總好過大炒冇得救......

　
　

你有炒車經驗嗎？ 
把它整理一下告訴大家
讓騎士有所警惕，一起提高駕駛安全吧！