|
炒車報告 |
|
|
駕駛車款: Daelim S2 250
製造年份: 2004 意外種類: 自己炒低 車主: 御貓 事發經過: 事發日期係2005年9月30日晚上9點幾，當時我剛剛離開城隧，左轉向葵涌方向進發。行過果度都知，要經過一個迴旋處，再落隧道駛向梨木樹。我一向開車都好小心，已經收慢過彎行左線，臨入隧道之前見地下好似濕濕地，再再收慢到大概40km。當時已經落到隧道入面，基本上都已經收返直架車架喇，點知開始發現架車尾轆兩頭擺，我已經盡量攞返定架車，但係始終都係派低左。 人命財物傷亡損毀: 心情平伏之後檢查傷勢，發現除左右手手肘損左少少，同埋件心愛波衫磨穿左之外，個人冇乜事，架車就右面幾個位花左，冇o野甩出黎。 當時感受: 當時心諗，唔係掛，咁都炒？跟住就已經失去平衡，再見到架車響地轉左一圈(已經人車分離)，後面架本來貼到我實一實o既貨 van 急停左響到。個貨 van 司機冇落到車，只係見我仲有反應就叫我推埋架車一邊唔好阻住條路。 事後影響: 事後有Ｄ心神恍惚，唔係好知做緊乜，不過趕時間接女朋友，見冇乜事都照開車。不過就硬係唔知點咁... 送完女友返屋企自己再行吐露港返大埔，一過灣位就好唔自然.... 希望好快習慣返啦。 肇事原因及教訓啟示: 事後發現地面唔止濕，仲有勁多碎石，仲有好多螺絲添(邊到黎架？）...千算萬算，意外o既o野真係算唔到，係時候檢討o下自己Ｄ安全設備係未要添返Ｄ。 |
|
|
你有炒車經驗嗎？ |
