|
炒車報告 |
|
|
駕駛車款: Honda Shadow 600
(Macau) 製造年份: 1994 意外種類: 車輛碰撞 車主: 龍影 事發經過: 05年夜晚車女友放工...眼見馬會附近迴旋處正有2架私家車由西灣大橋直路方向高速駛近..所以於迴旋處前停定讓先...當第1架私家車經過左之後...第2架私家車正駛近時...突然聽到"呯"~唔夠2秒再"呯"~我架車亦比人推一推...回頭一望...後面一架銀色civic隊左我尾...而架civic後面亦有架黃色的士隊左架civic... 人命財物傷亡損毀: 三架車o既車主同乘客都無事..但係d車就.. Shadow 600: 尾燈連車牌成份攝左o向尾轆上面...以致推都推唔郁... 銀色civic: 前泵把隊中我條胎...陷入4吋...(亦因此令我即使唔扶住架車唔落單臂..部車都唔怕兩邊郁..食到入一入...)後面泵把被"黃的"隊到凹左... "黃的": 車頭輕微損毀... 當時感受: 個人完全無事...但因為事出突然...完全諗唔到確實地遵守交通規則o既我咁都會發生意外...只可以話唔好彩...而我亦即時問下女友有無咩事...(好彩女友都無事..) 事後影響: 事後"黃的"司機講返原來佢掛住望有無車黎緊諗住無車就直駛入迴旋處...所以就完全無留意正有兩架車o向度正在讓先... 交通黎到之後當然判定"黃的"輸哂... 呢次事年令我覺得貪一時之快真係分分鐘攞你命...尤其係o向馬路上...自己小心只係基本...其他人都要小心...就係其他人存有輕率駕駛o既心態...以致交通意外隨時發生... 肇事原因及教訓啟示: 好彩o既就係我有個習慣到街口要停車讓先o既話一定係收左油慢慢溜過去再落腳並jar前brake停定...如果唔係...架"黃的"隊架civic再隊我後面時...我一定會衝左入迴旋處而且同高速行駛中o既私家車炒埋一碟...(好好彩..佢係正一正直線隊埋黎...打側黎o既話我女友隻腳=3= 再加上我架車有返咁上下重量...jar左前brake後佢隊埋黎都只係感覺到好似平時朋友見面推一推o既感覺..如果係50仔就真係死得...) 不過..呢單野..最後都搞到我一個月無車jar...(要等保險批)...極度唔方便... |
|
|
你有炒車經驗嗎？ |
