炒車報告

 
駕駛車款:            SV650
製造年份:            2003
意外種類:            自己炒低
車主:              小黃

事發經過:

果日,由干諾道西轉左入威利蔴街,一轉入灣就見到幾塊好q大既發泡膠板,即時想拉直架車收車,但係右面停左架5噸半,頭轆避到,尾轆中左.....就係咁派左~~

人命財物傷亡損毀:
車就爆左水箱,把手彎左,油缸凹左,波棍斷左.....
人就擦傷手腳,撞瘀小小....

當時感受:
派左之後,唔知驚,只係覺得好嬲(成日防住大車跌野,垃圾水,計油......估唔到中左發泡膠),可能車速唔快,個人冇乜事,即時起身抬車,多謝路人甲幫手抬起架車......

事後影響:
自己都知由highway轉入內街應該調整速度,所以都收得好慢得2xkm,但係都收唔切......揸得26都預左會有機會炒,所一向都揸得好小心,但估唔到會咁炒,屋企人由我買車到炒車都唔知,所以冇壓力,但要整返架車就好有財政壓力~~

肇事原因及教訓啟示:
雖然今次個人冇乜事,我個friend都話係好小事,我都認真考慮26既問題,考牌果時都知26真係危險,但意外真係意料之外,完全唔在乎你有幾小心謹慎(因為我平時真係揸得好小心),26的可犯錯空間真係好細,先天設計問題,完全要依靠車呔同路面的磨擦力,但香港o的路面真係......有26真係方便,但凡事有利有弊,平衡各方面,我可能會放棄26(考慮中...)估唔到未填車主報告,先填炒車報告~~


 
 

你有炒車經驗嗎? 
把它整理一下告訴大家
讓騎士有所警惕,一起提高駕駛安全吧!