| |
駕駛車款: CB400VTEC2
製造年份: 2003
意外種類: 自己炒低
車主: 法蘭
事發經過:
事發在5月9日今上8點45左右.小弟由原本想由大窩口交匯處上青山公路. 點知自己唔知痴左邊條線.
路口轉左上去華景山路.一條有30-45度斜的路, 咁我打燈望線都無車就U TURN啦.
點知又忽發奇想用推軚...就係出U彎時由上斜變落斜. 加上自己背著2部NOTEBOOK.
重心一下過晒右手邊....就咁炒左一蝶"早餐"
人命財物傷亡損毀:
自己同超四 (唔係九龍個架)
當時感受:
左邊"波羅蓋"撞瘀左. 右手救車時拉傷.
架車就右後鏡轉左, 死氣喉磨左少少.釘把鏍絲飛脫.原來鏍絲已滑牙
事後影響:
唔比得老媽知道. 無返屋企開飯.
不過返到屋企見到媽子未訓. 死頂住扮正常行路. 個D感覺真係正到爆.
沖洗左痛口同包左. 現在無咁痛.
肇事原因及教訓啟示:
渣車要留意自己身處環境.
新渣車手法係安全情況先好練好試.
渣車唔好死記什麼什麼STEP. 要活學活用. 自己背左咁多重野. 開慢D就一下自己重心的改變. 有前無後咁渣.
自炒一定常伴你左右
|
