| |
駕駛車款: SV650S
製造年份: 不適用
意外種類: 自己炒低
車主: chung
事發經過:
15/10/05中午當日毛毛細雨,當時由青衣出葵涌在德士古道迴旋處路口慢車轉上支路上高速公路,當俾油轉彎時,架車突然冼呔,就咁炒低左............
人命財物傷亡損毀:
愛車-波棍斷左,pk膠磨蝕左,呔的彎左,最令我傷心的係左邊豬頭花左.....
人就當初跌車後只係見膝蓋有小小損左,初頭諗住傷勢唔嚴重,但點知當晚返工後痛到隻腳郁唔到,D瘀血谷哂上黎重腫得好嚴重.........
當時感受:
冼呔失重心時果一刻諗-唔係掛!冼呔?!!!跌車後起番身弟一件事望住架車就諗~架車咁重點抬番起佢呀.......,不過好彩前車個貨van司機落車睇下我有冇事重幫我抬番起架車,真係唔該哂佢,重有個私家車司機停車問我有冇事,而剛好有個交通警察見到我事發經過,重問我駛唔駛報警,但我見自己D傷勢冇乜事同其他個人原因就無謂攪咁多野(但現在諗番起就有小小後悔重覺得自己好笨)之後就叫拖車拖番去相熟車房.
事後影響:
行經路段前亦知道果度好多油漬當時已盡量慢車同留意路面,只係諗唔到咁小心都冼呔派車.....之後送左入醫院住左兩日兩夜,醫生話我傷勢好嚴重可能D軟骨有事,當初我太低估傷勢諗住半個月都好得番60%啦,點知拖下拖下手術又做埋,咁就過左兩個月啦.....因為唔可以俾公司知我係渣電單車的,況且公開左我係炒車跌傷我會好麻煩,家人方面我只係答工傷跌傷左,如果俾佢知我炒車的話就真係有排哦有排煩.
肇事原因及教訓啟示:
近排不時責問自己如果當初唔諗咁多野報左警先會唔會好D呢?起碼事後都有車手獎申請嘛,而之前唔係咁著重保險呢樣野,但事後攪到咁立即買番份保險保障下自己先,重有遲下買番D保護裝備(護膝果類)但今次意外亦令我體會到1-炒車後見自己冇乜傷都唔好咁肯定冇自己事,最好都係立即入醫院check下先.2-有D野真係好難講,就算好小心都會出事.
鐵騎快語：
今次真係當買個教訓。祝早日康服。
|
