|
炒車報告 |
|
|
駕駛車款: Forza 製造年份: 2002 意外種類: 自己炒低 車主: 田五 事發經過: 落大雨開車，上大埔道途中（近九龍水塘油站）中油漬，即時向右邊派（當時右轉出緊彎），人車都傷！好彩後面架私家車跟得唔貼，好快咁開死火燈攔車，唔係後果就... 人命財物傷亡損毀: 人－由於落雨，事先著定防水衫褲，只擦損兩邊前臂及手背，右膝撞瘀少少腫車－車身花左，好在機件良好，不過都係搵日驗車好過 其他－套衫褲就報銷...仲有副眼鏡都冇埋（好彩冇整親眼）...錶面花哂，睇下有冇得救 當時感受: 只想起番架車，唔好擋住條路（單線only） 事後影響: 屋企人好驚，話我好地地做乜炒車（其實我只係半年P仔），尤其係女友，佢一直好期待我甩P坐車尾... 自己反而真係知道油漬的可怕，落大雨已經將車開得慢，估唔到都要炒（當時車速不足40km/h，或者更慢） 肇事原因及教訓啟示: 事後問番人，事發地點好多車（尤其26車）炒，可能係好多大車行唔覺意漏油，滲哂入瀝青路上，一落雨就浮番上唻，就係咁炒唔少車。仲話"千祈唔好咁笨行行車線中間，好多車漏油你唔知！" |
|
|
你有炒車經驗嗎？ |
