炒車報告

 
駕駛車款:            ET8
製造年份:            2003
意外種類:            自己炒低
車主:              Johnnie Wong

事發經過:

陰晴不定的一天,下雨前的半小時,我在大坑蓮花宮前的蓮花西街自己炒低,非常樣衰!我昨日出車,今日炒車!只怪自己人生路不熟,在銅鑼灣左穿右插覓路往北角,結果在蓮花西街前一彎位Ball Out 炒低,架車仲插入一架架中些貨車車底,好在有附近車行員工仗義幫忙,用油泵升高貨車並救出我隻新羊,實在感激不盡。

人命財物傷亡損毀:
當時車速不太快,自己落地之後磨地,膝頭膊頭手肘見紅,條新褲穿窿;最慘係隻剛化完靚裝新羊落地不足兩日,左鏡花晒,左邊車身花晒,右邊車身變形,真係肉都赤埋!

當時感受:
當時知道自己只係皮外傷,因為試過俾車撞,果次仲大鑊,今次自炒雖然痛到起唔到身,但都唔夠個荷包痛,睇住自己隻愛羊夾在貨車之下,真係欲哭無淚,如果唔係附近有車行幫手,真係唔知會搞成點∼

事後影響:
真係好恐怖,ET8上高速公路可怕,作為新手的我應付得到公路,卻轉眼就敗在小路之下,真係羞慚。抯返車行檢查果陣仲落大雨,真係提心吊膽,而家仲係心有餘悸。對於熱心幫忙的泵貨車叔叔,為我扶起愛羊的速遞哥,小弟實在無以為報。速遞哥哥果句“P牌小心D喇”,真係簡單得喇唔同D。

肇事原因及教訓啟示:
今次炒低,主要有三個原因:一係我唔識路,盲頭烏蠅亂咁飛,最後入錯綫恨錯難返,Ball Out 兼落地;二係路面不平,架車轉彎位置已經不正確,仲要俾大地拋左一拋,結果瞓街收場;最後係因為我太想救車,唔肯放開堂軚,所以落地前順手俾左啖油,令愛羊衝入貨車車底∼唉!真係自己攞嚟衰∼
 
 

你有炒車經驗嗎? 
把它整理一下告訴大家
讓騎士有所警惕,一起提高駕駛安全吧!