炒車報告

 

駕駛車款:            TGB303
製造年份:            請選擇一項
意外種類:            自己炒低
車主:              華仔

事發經過:

05年3月2號  有雨
收工行經大埔道金三角停車場向沙田方向,車速過高飛撞上(博)..
當時地濕唔敢煞停架車,就咁就飛左入停車場.塊面第一下接觸地面,
好驚冇左塊面.架車係條馬路度扇左十幾米

人命財物傷亡損毀:
自己手腳擦傷,牛仔褲穿左幾個窿,外套同埋手套報銷,
頭盔護鏡花晒.架車左邊全部花晒,機器正常,行得走得

當時感受:
當時感受,炒車就係咁架喇?因為果下唔知死,
淨係皮外傷,跟住企左係度呆左兩分鍾..而家先知死,
腳震腳唔穩,跌返落地...好在有個好心既私家車司機
係停車場入面洗緊車,佢即刻跑出黎問我有冇事,
又幫我執返架車,又問我洗唔洗報警,真係好多謝佢,
佢再問我真係冇事啦麻,我話冇事,佢就走左
我坐左半粒鍾定完神之後就試下著唔著倒車,
架車又著得返,就沿途20km爬返馬鞍山

事後影響:
訓右灣就好驚,不過過左兩三日就剋服左
落雨都係行隧道好D..
自己休左一個禮拜,老闆知道左我炒車都好體量,比我放假
家人都好關心,知我炒左車就好擔心,叫我唔好渣車,
我就答佢地,我唔渣車,我唔返工個喎,跟住靜晒..haha  冇得反對

肇事原因及教訓啟示:
都係果句啦,落雨渣車就小心d,留更多空間比自己煞車,最重要係落雨唔好渣咁快..
 

 

你有炒車經驗嗎? 
把它整理一下告訴大家
讓騎士有所警惕,一起提高駕駛安全吧!