炒車報告

 
駕駛車款:            @150
製造年份:            2003
意外種類:            自己炒低
車主:                    唔想講
 

事發經過:

海帆道燈位右轉海煇道. 當時身處最右線, 同線右方另有同行電單車. 基於安全理由 自車採較左位置及較大弧度轉右彎以免妨礙右前方及右後方車友. 意外發生在燈位開車後數秒, 當視線從右回中的一刻,發現自車前方呎幾正有一部雙坐位私家車正在橫過自車即將採取的轉向路線. 由於事出突然, 相信是本能反應拗0太右轉迴避(我估, 因為大快跌低), 可惜當時身處彎中, 車身傾側, 拗0太的結果當然是人車一齊訓底.

人命財物傷亡損毀:
車頭fairing 磨白. 右鏡磨損, 尾箱右邊花左 (整體損毀輕微, 因為我隻右腳"煎"住架車)
人就右腳大腿小痛(無瘀無傷), 右小腿前方小磨三呎長表皮及微腫, 右腳踠前方磨傷腫起及麻痺. 上身及左下肢完全無事. 唔知係件夾褸0既功用, 定係尾箱頂住因此上肢完全無野.

當時感受:
肉體影響 : 同自己行街踢波pk 分別不大
心靈影響 : 無

事後影響:
1. 發覺俾架車壓著單憑一己之力係無法子起身0既 (就算可以都好難而且花時間)
2. 受傷0既首十數分鐘係唔痛同唔覺得有野 (0里個係人體0既本能機制令你受傷後仍有能力逃離險境, 好重要!) 所以唔好0向頭十幾分鐘就斷定自己無事, 或低估自己受到的程度.
3. 沒有驚亦沒有不知所措. (亦可能入係有同行車友在埸0既關係 :D )

肇事原因及教訓啟示:
由於沒有發生碰撞, 因此沒有報警, 也沒有claim 對方.
現在回相對方是採用偏向外內外0既賽車模式轉彎, 惜地上沒有劃線因此未能確定. 不過如果自己不是因為顧及同線右方車友而行靠左位置及行較大弧度轉右彎, 相信上述俬家車進取的行車路線也不會和我的重疊. 而我也不會向右望(因右前後方均有車)而係會向左望.
 
當然亦有可能是因為身處車隊之中因此警覺性較低有關.

己經有上身0既保護衣物一直都想買埋長褲同boot 不過味有睇中, 是時候加快步伐了.

經過今次事件又學到野, 希望大家都可以從今次事件中有得著. 安全駕駛!


 

 

你有炒車經驗嗎? 
把它整理一下告訴大家
讓騎士有所警惕,一起提高駕駛安全吧!