駕駛車款:            ER-6N
製造年份:            不適用
意外種類:            自己炒低
車主:              R
　

事發經過:
北角半山天后廟道出彎即見修路工程。由出彎至波板位不足五架車位。而我用約四十多公里時速出灣。就在這時波板佬將綠牌轉紅牌。前面兩架車停下。我急忙煞車（這時反應連煞車距離不足三個車位）。路面佈滿幼沙令車向前滑行，隨即跣低。

幸好跌車位置仍處於自己行車線，否則有機會會被駛至之對頭車撞過正著（有乜理由對頭車咁快駛到）。我打了一個過關斗。後查看路面情況，發現兩個臨時修路警告牌竟被停泊予路旁工程車輛遮住。怪唔之得入灣前完全冇預警。

人命財物傷亡損毀:

膝頭掛彩。全靠著了保護衣上身只一點痛冇損或拆骨。
左邊車身花了

當時感受:
很險。好好彩。膝頭及手指好痛，心痛愛驅愛創。
事後波板佬發出變態的幸災落禍笑容。
另一個對頭線的輕型貨車司機則下車幫忙及察問傷勢。

事後影響:
事後更加相信駕駛技巧絕對有需要提升。

肇事原因及教訓啟示:
電單車鋪的店長在我買車時多次叮囑要慢慢來。我明啦。不只要慢，更要全方位防備意枓之外的交通狀況。

鐵騎快語：
入盲彎應該要以「避得切」或「停得切」的速度入彎。你所寫的，由車速到駕駛心態，都全部犯了大忌。現實世界中唔一定會有警告牌，前方兩車都停得切，點解你停唔切？點解對頭車唔可以咁快到？點解...會有咁多點解...