炒車報告

 
駕駛車款:            大鯊
製造年份:            2000
意外種類:            自己炒低
車主:              豪

事發經過:

07年9月19日晚7:00左右,由土瓜灣去長沙灣,駛上機場隧道橋,見都好塞車,就駛入路肩照行,當時約3-40km,離遠都見倒有舊約6吋高既卡板木0係中間,自己諗住避得開照行啦,點知可能眼訓避唔倒,轟轟兩聲成架車跳起,落地即刻派牌,派左大約5-8米左右。

人命財物傷亡損毀:
車:左邊手膠粒的斷左,左邊鏡同車身花哂,堂軚唔直,其他一切正常。
人:左手花左兩點,左腳失頭哥磨彊約一個5蚊銀面積。

當時感受:
一落地首先感覺到磨手,即縮,由於著左牛仔褲,到穿左先感覺到磨腳,即刻夾硬揪起隻放0係地台,由得架車派。
停左即刻起身睇下自己有無事,發覺無咩事只係左腳有d痛。好彩架車當時向前派,我仲係P仔,如果向右派會炒埋去其他車度仲大鑊。
其間多謝幾位師兄途經關心。

事後影響:
小炒是福。
其實我都覺得自己越開越快同以為自己夠技術,
事後發覺開車即刻慢左好多同小心左。

肇事原因及教訓啟示:
無必要都係乖乖地做隊員,由其是唔夠訓。
唔好以為自己好有技術,有事起上黎絕對係控制唔倒,
好彩可能只得一次,再黎瓜左都唔知咩事,唔瓜得無手無腳時仲淒涼。
 
 

你有炒車經驗嗎? 
把它整理一下告訴大家
讓騎士有所警惕,一起提高駕駛安全吧!