駕駛車款:            PX200
車輛製造年份:          2001
意外種類:            自己炒低
車主:              錦羊仔

事發經過:
夜晚晚番屋企，出左紅隧收費亭，過左往何文田及觀塘分叉路，往觀塘落土瓜灣行左線轉大右彎，個時行緊4xkm，轉緊個時黑蚊蚊見到地下好似濕濕地，心知不妙想再收慢D，架車已經中左濕油/水，右面著地訓低派片，連人帶車掃左埋路左肩。企番起身發現手腳擦傷，前輪車殼扁左少少，好在冇影響前輪，著車仲行得走得，繼續開車返屋企。

人命財物傷亡損毀:
架車花左少少，前輪車殼扁左少少，牛角後鏡彎左少少

當時感受:
個腦空白一片，唔知發生乜事，停低左自然反應執起架車，睇下行唔行得。

事後影響:
抖左好耐先至開番架車去整，
洗傷口真係要成個月先好番晒，頭個個星期仲右腳一路行一路痛...

肇事原因及教訓啟示:
精神唔好真係唔好開車...反應唔夠就執唔到生...
鐵殼羊真係好硬淨，掃左幾米都係花左少少，比著其他車，我既損傷已經好少，如果係街車既話傷口面積真係唔敢想像。而家轉彎小心左好多，唔想再派片。

鐵騎快語：
你炒車既原因唔係唔夠小心，而係操作方法有錯。彎中見濕地想收慢？除非你可以好精細咁控制和分配頭尾迫力的力度，否則第一件事應該係棟番直架車先，有需要先再煞車。但係要PX200好精細咁調較制動力係一件好難既事，所以你應該棟直部車先收油，唔使咁快落迫力。