駕駛車款:            大R  750 K7
車輛製造年份:          2007
意外種類:            自己炒低
車主:              亞富

事發經過:
2007年12月3日, 上午6時35分, 大埔道往沙田方向, 差唔多到金山道入口公眾停車場出面, 車速約80km/hr, 當駛到上址地點開始落山, 右彎, 部車開始向右越落越低, 心諗又唔係快, 又唔係劈住入, 無理由會越嚟越低, 跟住尾轆向左擺, 就咁就派, 個人可以雙手雙膝撐起個人嚟跣住去, 見到部車係我前面係咁跣同出火花, 個人換咗幾個姿勢, 最後係個人坐係地上面跣, 停咗! 即刻截停後面啲車, 係我後面果個的士佬就無理我, 繼續坐係車度眼望望, 再後面有個好心貨車司機落車問我有無事同幫我推車, 唔該晒!

人命財物傷亡損毀:
部車右邊唔駛講, 無晒, 機器殼無咗一大忽!
個人右手掌根起個大水泡, 雙膝頭損咗, 件north face 薄棉風褸同條牛仔褲玩完, 右手套著地滑行時掌根位置扯爛!

當時感受:
好在個人唔係跣向行人路, 如果唔係個人撞埋邊都真係幾係嘢!
一個字講晒, 傷, 個人同銀包都有排傷!

事後影響:
唔怕一萬至怕萬一, 雖然渣部戰車, 但係自問無飛到, 覺得好黑仔!
事後去返派低位置, 發覺路面有十份九有浸好似油咁嘅液體, 再睇吓路邊草叢有塊檔風玻璃, 再前啲防撞欄撞凹, 相信之前係同一位置有四個轆發生交通意外, 但係現場路面無任何木糠之類, 咁啱又係彎路, 原來係避無可避, 可能自己技術唔夠, 唔知係咪係呢個情況可以即刻楝直部車救車!

好在今早天氣稍涼, 著件有厚度嘅褸, 同埋不嬲都有戴手套, 奇蹟到手無損, 左手隻錶乜事都冇, 奉勸各位一定要戴手套! 手套, 風褸, 牛仔褲多謝你地!
總之保護裝備唔好少!

炒完除咗睇自己有無事之餘, 亦好掛住親人同女朋友!

肇事原因及教訓啟示:
最後, 希望處理車禍現瑒有關人員可以處理得好啲, 俾你累死!
仲有, 大家渣車要小心, 保護裝備好啲, 鍚自己同親人多啲, 生命可貴!