駕駛車款:            ZXR400
車輛製造年份:          1991
意外種類:            自己炒低
車主:              steve

事發經過:
其實小弟每一日都會返屋企食飯, 每一日都會好愉快咁回家, 又好愉快咁返公司,
但今朝落過雨, 所以都預鬆d時間, 返公司仲有成五分鐘剩, 所以都小心駕駛.....

當我係愛秩序灣o既愛賢街轉入愛禮街之後,
平時乾地都會片住去(睇下有無人係街, 無就會一直衝, 有就會係班馬前收一收)
今日地下濕濕地, 所以都係試下brake先, 反正有時間, 我仲係班馬線等低等人過馬路添

當我再開車, 行左幾秒就有個黑影係左下角彈出馬路(我極懷疑係小朋友)
由於太近, 跟本都未睇到佢係咩已經忙緊收車.....

就係一秒唔到o既時間, 我人手abs, 尾掣, 拖波做到足, 但因為真係太近, 我下意識做左個好錯o既決定→向右避........
一轉就了, 唔夠力同佢鬥, 失平衡派低左...

見到一地碎片就唔開心, 本身想即刻起身睇下架車有無事.... 點知岩岩有阿sir經過, 於是人車分別送院

人命財物傷亡損毀:
人: 白車送院入急症, 車速唔高, 係擦傷少少同撞到右邊身
車: 沒有甚麼, fairing花左, 右前方指揮燈, 兩個頭盔....

當時感受:
想即刻起身返工....

事後影響:
可以有長假休息一下, 好彩果日朝早落過雨, 唔係我實片住去.... 咁可能唔只咁少事....
(不過片住去個細路又唔會衝到出黎)

肇事原因及教訓啟示:
煞車唔好轉彎, 轉彎唔好落brake, 小心閣下的小朋友, 下次我怕會車死人=.=