駕駛車款:            Suzuki Address V125
車輛製造年份:          2006
意外種類:            自己炒低
車主:              華比思

事發經過:
岩岩去完單車內舖, 上髮夾彎去濠江中學方向, 過埋個澳門電力公司轉左彎, 車速係15km/h左右....後面有條能樣唔知beep乜膠跟住轉左右彎, 我只係個頭向右望左一野, 一秒時間都無再望左.....個度又有地盤....剛舖好的瀝青路隱瞞殺機....幼沙....掣都無用過, 車又唔係好側, 咁就小炒了

人命財物傷亡損毀:
....真係寧願炒膠爛架車, 最多換膠殼而已, 車頭側, 小花; 豬頭, 小花; 左牛角...都係小花....車尾乜事都無....

人, 慘了...左腳被車壓一壓, 定陣左小腿肌肉痛,

膝頭比條牛仔褲印傷左(牛仔褲無事)

風褸....爛左,

好彩有戴手套, 左手無事....

好彩又係3/4唔係水殼, 頭都無事

當時感受:
好彩記唔到個條能樣的車牌, 如果唔係見佢一次beep佢一次...(可能之前一段路beep過D衝街口的車..我個雙聲原廠按嚇親佢卦)...一跌完無乜野事即起即走啦, 留係度博同情定博人恥笑呀...HAHA

事後影響:
回家途中...照舊, 彎我仲低一點...無事....心理上無乜影響, 只知個陣我不留神, 抵死!

肇事原因及教訓啟示:
反而咁樣一小炒令到自己再次提醒自己, 切勿對路面及其他道路使用者有信心, 自己更多3倍留神, 人地係後面beep你唔好理, 醒隻中指過佢好了